Stórhýðingar og íslenskar stuttpilsur

Þeir eru heppnir útrásarvíkingarnir okkar og pólitísk handbendi þeirra, að ekki skuli vera í gildi lög um stórhýðingar afbrotaskunka. Ef eitthvert réttlæti væri fyrir hendi hér á landi, væri löngu búið að kagahýða fjárglæfrarotturnar íslensku fyrir löngu við hátíðlega athöfn á viðeigandi stað.

Hvað varðar súdönsku stelpuna í stutta pilsinu, sem fékk fáein vandarhögg á óæðri endann, ber að hafa í huga, að stjórnvöld þar syðra hafa auðvitað borið velferð stúlkunnar fyrst og fremst fyrir brjósti þegar þau létu embætta hana til að varna því að hún verði hórnum að bráð.

Hér á Íslandi hefur til margra ára viðgengist vítavert kæruleysi stjórnvalda varðandi pilsasídd kvenna. Hér hefur allskonar kvenpéníngur fengið að valsa um götur í ofurstuttum pilsum eða kjólum og nærbuxnalausar undir, meira að segja nýmóðins alþingiskonur hafa orðið uppvísar að því að sveima um sali Alþingis í þessháttar múneringu. Að sjálfsögðu er slíkt athæfi gjörsamlega óþolandi gagnvart blygðunarkennd heiðarlegs fólks.   

Táningsstúlka húðstrýkt opinberlega

Athugasemdir

[Helga Ingólfsdóttir (IP-tala skráð) 29.11.2009 kl. 21:14]

Samkv. Kóraninum  eiga  konur  að  klæðast  frá  toppi  til  tár.  Qur'an  033:059. 

En  hér  er  smá  myndsería  frá  heimilislífi  Múhameðs  í  túlkun  listamanns:

http://www.faithfreedom.org/content/comic-strip-mohammed-and-zainab

Góða  skemmtun

[Jóhannes Ragnarsson, 29.11.2009 kl. 21:58]

Þó það nú væri, að þeim sé gert að vera vel klæddar. Minna en hálfklæddar konur gera ekkert annað en freista ráðvilltra karlmanna og það er vægast sagt afar slæmt.

[Helga Ingólfsdóttir (IP-tala skráð) 30.11.2009 kl. 09:45]

En  ég  held  líka  að  þessi  mikli  klæðnaður  hafi  verið  bráð  nauðsynlegur  á  Arabíuskaganum  út  af  sandstormunum  eða  ,,Khalina"  eins  og  þeir  eru  víða  kallaðir.  Annars  hefði  hörundið  innanlæra  á  konunum  orðið  eins  og  sandpappír.  Hver  vill  svo  sem  slíkt?

Nú  eru  þessi  færanlegu  fangelsi  orðin  eins  og  pólitískar  yfirlýsingar  og  hafa  algjörlega  misst  af  upphaflegu  notagildi, því  ekki  eigum  við  að  stríða  ,,khalina"  hérlendis  nema  þá  helst  stundum  í  uppsveitum  Rangárvallasýslu.  En  ég  hefi  ekki  heyrt  að  húsfreyjurnar  þar  hafi  klætt  sig  í  síðklæðnað  þess  vegna.

[Jóhannes Ragnarsson, 30.11.2009 kl. 10:10]

Ja, ýmisleg hefur maður nú heyrt af húfreyjum í uppsveitum Rángarvallasýslu, en aldrei þó það, að þær hafi hulið líkama sína fataleppum fra toppi til táar. Miklu fremur eru þær þekktar fyrir að ganga til daglegra starfa á nærbuxunum einum og jafnvel illa það. Ekki hefi ég samt heyrt að þessar húsfreyjur séu meira sandblásnar innanlærs en gerist og gengur hjá  öðrum stallsystrum þeirra á Íslandi.