Birgitta plumar sig með frjálshyggjukálfunum

Mikið ósköp tekur blessunin hún Birgitta sig vel út með fulltrúum auðvaldssamtakanna sem tókst að bylta þjóðinni á svartakaf ofan hyldýpi frjálshyggjufensins, enda varla við öðru að búast. Svo er að sjá, að þrjótarnir sem voru óhæfir í huga Birgittu fyrir nokkrum mánuðum séu allt í einu orðnir hæfir og rúmlega það, jafnvel þótt þeir kunni ekki að skammast sín.

Ef allt væri með felldu og alls réttlætis gætt, ættu heilaleysingjarnir sem kusu Sjáfstæðis- og Framsóknarflokkinn, auk slangurs af illa innréttuðum kratakindum, að borga Icesave-reikninginn með húð og hári. Í því ljósi væri eðlilegt að vísa þessu holdgetna afkvæmi Sjálfstæðisflokksins frá Alþingi.

Krefjast þess að Icesave verði vísað frá

Athugasemdir

[Agnar Bragi, 4.12.2009 kl. 20:20]

Þú ert hress... hvorki málefnalegur né sanngjarn... en hress  og röklega gjaldþrota ásamt stefnu ríkisstjórnarinnar... því miður. Þá er bara að ráðast á fólk og kalla það skíthæla. Það er fínt. Gerðu þitt versta!

[Jóhannes Ragnarsson, 4.12.2009 kl. 20:38]

Þakka þér fyrir Agnar Bragi.

En hvað er það sem þú kallar að vera málefnalegur og sanngjarn? Ég lít t.d. þannig á, að ég sé bæði málefnalegur og sanngjarn í pistlinum hér að ofan.

[Þorsteinn H. Gunnarsson, 4.12.2009 kl. 23:48]

Birgitta gekk á dögum Búsáhaldabyltingarinnar innan um fólk á Austurvelli.

Nú er hún komin þar sem sést á myndinni og styður hönd undir kinn og hefur ekki einu sinni eitt autt bil á milli sín og formanna frjálshyggjuflokkanna til öryggis og aðgreiningar.

Mér sýnist þessi færsla hjá Jóhannesi fjalla um málefni, nokkuð hvöss og svíður undan henni ef menn eru viðkvæmir og taka innihaldið til sín

Munurinn á bloggsíðu Jóhannesar og Agnars Braga er að Jóhannes leyfir athugasemdir en Agnar Bragi leyfir hinsvegar ekki athugasemdir. Um ástæður þess veit ég ekki.