Meðalgreindarvísitalan hækkaði um 50%

Þegar Höskuldur Þórhallsson og Birgitta Jónsdóttir, sem sögð eru alþingismenn, skakklöppuðust á dyr af fundi fjárlaganefndar í morgun, hækkaði meðalgreindarvístalan við fundarborð nefndarinnar um heil 50% og sátu þó eftir nokkrir nefndarmenn með vægast sagt dapurlega lága greindarvísitölu.

Það fer að verða mjög aðkallandi, að þjóðin hætti að kjósa mjög heimska einstaklinga til að sinna löggjafarstörfum og ráðherraembættum. Ef fer sem horfir verður Alþingi Íslendinga bráðlega eitt alsherjar stórhlægilegt vitfirringahæli, ef það er þá þegar ekki orðið það. Þá er almælt, að aldrei hafi eins margir leiðinlegir, húmorslausir, þingmenn setið samtímis á Alþingi en einmitt nú. Þegar heimska og húmorsleysi fara saman með yfirgnæfandi hætti á einum vinnustað, er skamt að bíða endalokanna.

Ef Íslensku þjóðinni er í mun, að komast útúr vandamálum sínum, á hún að setja sósíalíska byltingu á dagskrá, ekki síðar en strax. Sósíalísk bylting er eina færa leiðin til að losa þjóðina við hinn gjörspillta kapítalisma og vandræðagemlinga hans.

Upp með byltinguna, kæru félagar, og göngum milli bols og höfuðs á úrkynjaðri yfirstétt stjórnmálamanna, atvinnurekendavalds og fjársýsluglæpamanna !!!  

Óvissa um samkomulagið

Athugasemdir

[Axel Jóhann Axelsson, 7.12.2009 kl. 13:43]

Þú hefur greinilega húmorinn í lagi, Jóhannes, en hve mikið vit er í honum, skal ósagt látið.

[Jóhannes Ragnarsson, 7.12.2009 kl. 13:55]

Ég get trúað þér fyrir því, félagi Axel, að það er heilmikið vit í honum, og þér er óhætt að segja það hvar sem er.