Allt vinstristjórninni að þakka

Núnú, fréttin af minni áhrifum kreppunnar hér á landi en við var búist, hlýtur að koma eins og fúl skvetta úr hlandkoppi framaní óaldarlýð Sjálfstæðisflokks og Framsóknar og mola í leiðinni móðursýkislegan og mökkruglaðan málflutning þeirra.

Það dylst náttúrulega engum sæmilega sanngjörnum og vitibornum manni, að þessi ,,minni samdráttur" er einungis núverandi ríkisstjórn að þakka. Ekkert í þessa átt hefði verið mögulegt ef þjóðin hefði verið svo ólánssöm kjósa sönnu hrunaflokka, sem kenna sig við sjálfstæði og framsókn, yfir sig.

Kreppan vægari en búist var við

Athugasemdir

[Sigurður Sigurðsson, 7.12.2009 kl. 14:39]

Kannski er það íslenzku krónunni að þakka - og skellur því hlandvilpan beint í andlitið á ykkur vinstrimönnum sem hafið lagst í gólfið með hvíta flaggið upp í loft.

Og kemur nú í bakið eins og rýtingur á ykkur í dag svikamylla Indriða skattakóngs um tölvupóstana - þið eruð engum líkið Vinstrahyskið í landinu !!!

[Hjörtur J. Guðmundsson, 7.12.2009 kl. 14:40]

Það er nefnilega það. Og hvaða grettistaki hefur þessi ríkisstjórn nákvæmlega lyft í þeim efnum? Engu. Ástæðan fyrir þessu er annars vegar alltof svartsýnar spár og í annan stað krafturinn í íslenzku atvinnulífi sem hefur eins og svo oft áður verið vanmetinn.

[Hjörtur J. Guðmundsson, 7.12.2009 kl. 14:41]

Og síðan er það auðvitað krónan.

[Jón Snæbjörnsson, 7.12.2009 kl. 15:21]

þú ert eitthvað að rugal Jóhannes er það ekki - gerum þó ekki lítið úr orðum þínum - gott þó ef satt væri

[Andri Geir Arinbjarnarson, 7.12.2009 kl. 15:31]

Þetta er bara leikur að tölum.  Ef rýnt er betur í tölur Hagstofunnar kemur í ljós að innlenda hagkerfið hefur helmingast frá 2007 til dagsins í dag mælt í útflutningsverðmæti.  Útflutningur er nú 1/2 af landsframleiðslu en var fyrir 2008 1/3 í mörg ár.  Þetta þýðir að þeir sem eru í útflutningi og fá greitt í gjaldeyri eru í góðum málum svo framalega sem þeir eru ekki of skuldugir.  Það er gjá að myndast á milli þeirra sem vinna í útflutningsgeiranum og hinna.  

Meðaltalið er því mjög misvísandi þar sem sumir hafa það bara ágætt eftir hrunið en margir er í mjög erfiðum málum.  Það er ekki mikið talað um þennan mun.  Það er fólk á Íslandi sem fær greitt í evrum og þeirra kaup hefur meir en tvöfaldast miðað við þá sem hafa þurft að taka á sig launalækkanir í krónum. Evruelítan hefur hægt um sig.

[Jóhannes Ragnarsson, 7.12.2009 kl. 15:39]

Sagði ég ekki: Alveg eins og fúl skvetta úr hlandkoppi ...