Jóhannes Ragnarsson

7.12.2009 | 19:30

Glæsileg hornkerling

Svo er að sjá, að hin samfylkingarlærða framsóknarsál, Guðmundur Steingrímsson, hafi hlotnast sú náð, að gegna embætti hornkerlingar Framsóknarflokksins, en það embætti vísar til, að sá sem því gegnir eigi yfirhúskarlsstöðu flokksins vísa. Þar með er viðbúið að slöttólfurinn Sígmúnd Davíð fái ekki að kemba hærurnar lengi, sem talsmaður Halldórs og Finns.

Þess má geta, að afi og faðir Gvendar Steingríms gengdu báðir embætti hornkerlingar á sínum tíma og uppskáru báðir yfirhúskarlsstöðu úr hendi sjálfrar Framsóknarmaddömunnar. En þar sem Maddaman er önduð verður Gvendur trúlega að taka við sínum framtíðarvegtyllum flokksins úr lúkunum á Halldóri Ásgríms og/eða Finni Ingólfssyni athafnaskáldi.