Það er af og frá

Það er af og frá, að þau feðgini, nafni minn Jónsson og Kristín dóttir hans, hafi gengið á fund háskólarektors til að spjalla við hana um þann merka prófessor, Hannes Hólmstein Gissurarson þó að hann sé svo sem ágætt umræðuefni. Jóhannes, og Kristín dóttir hans, hafa auðvitað verið að innrita sig viðskiptadeild Háskóla Íslands, því alltaf geta miklir viðskiptajöfrar menntað sig meira og betur og kanske veitir ekki af. Þó gæti verið að Jóhannes, og Kristín dóttir hans, hafi verið að innrita sig í deildina sem áminnstur Hannes er að prófessorast í. Ég er viss um að feðginin gætu numið hitt og annað þénanlegt við fótskör hins mikla meistara, sem vissulega væri nytsamt fyrir þau í lífsins ólgusjó.

Jóhannes á fund rektors

Athugasemdir

[Axel Jóhann Axelsson, 9.12.2009 kl. 18:37]

Kannski hefur iðrunin rekið þau til að innrita sig í guðfræðideildina, nú eða til að læra smávegis um viðskiptasiðferði. 

[Anna Sigríður Guðmundsdóttir, 9.12.2009 kl. 19:52]

Hannes Hólmsteinn Gissurs er alla vega án efa stórhættulegur Íslenskri framtíð í skólakerfinu og það er sem betur fer unga fólkið alla vega að fatta því val á námi færist fjær hagfræði (eðlilega) .

[Baldur Hermannsson, 9.12.2009 kl. 20:04]

Anna, meistari Hannes Hólmsteinn er ekki hagfræðingur og kennir ekki hagfræði. Ef það er svo að fleiri skrái sig til náms í húmanískum fræðum má ætla að fjölgi nemendum hans.

[Jóhannes Ragnarsson, 9.12.2009 kl. 22:08]

Nú eru menn farnir að halda því fram, að Hannes kallanginn Hólmsteinn sé mikill spámaður, nema í sínu föðurlandi. En það er auðvitað ekki rétt, því Hannes var um árabil mesti spá maður á Íslandi, sem er eftir því sem ég best veit föðurland umrædds Hannesar.

[Jón Kristjánsson, 9.12.2009 kl. 23:58]

Baldur er alltaf jafn gamansamur....."meistari" Hannes Hólmsteinn!!.....en þetta er grátt gaman og sérdeilis óviðeigandi svo ekki sé meira sagt. Hræddur um að það séu önnur orð en meistari, sem koma upp í hugann, þegar minnst er á Hannes.....Ignoramus er eitt þeirra...... Hannes hefur verið þjóð sinni til lítils gagns svo ekki sé fastar að orði kveðið. Sjálfur Ragnar Reykás hefði verið meira en fullsæmdur af hinum snögga viðsnúningi Hannesar í lofsöngvum til heiðurs útrásarvíkingum eins og mörg dæmi sanna, t.d. sjónvarpsupptökur frá því fyrir Hrun.