Skoðannakönnun um að banna Sjálfstæðisflokkinn

Ef gerð væri skoðannakönnun um hvort það eigi ekki skilyrðislaust að banna Sjálfstæðisflokkinn með lögum, er mjög líklegt að 70% landsmanna væri hlynnt slíku banni. Þar af leiðandi væri Alþingi ekki stætt á öðru en að taka þá niðurstöðu alvarlega og láta til skarar skríða gegn þessum hættulegu samtökum. Ég þykist vita, að félagi Ólafur Ragnar muni skrifa með sérstakri ánægju undir lög frá Alþingi um bann við starfsemi og tilveru Sjálfstæðisflokksins.

Það er svo aftur spurning hvenær slík skoðannakönnun um Sjálfstæðisflokkinn verður framkvæmd. En það hlýtur að gerast fljótlega.

Skýr vilji þjóðarinnar?

Athugasemdir

[Jón Pétur Líndal, 10.12.2009 kl. 18:24]

Sæll Jóhannes. Ég er alveg sammála þér um það að sjálfsagt myndu 60-70% vilja banna Sjálfstæðisflokkinn, býst líka við að Icesave flokkarnir yrðu bannaðir með svipuðum hlutföllum yrði spurt um það.

En þetta kemur þessu Icesave máli reyndar ekkert við, því vilji almennings snýr bara að því að fá að kjósa um Icesave. Sjálfstæðisflokkurinn er í versta falli sjálfskaparvíti almennings af því að flestir kjósa hann. Sama á við um hina flokkana.

En nú á ekki að leyfa þjóðinni að kjósa um Icesave. Að því leyti er það mál verra fyrir þjóðina en það sem þú nefnir. Ég held að þjóðin yrði nú sáttari við Icesave ef hún kysi það sjálf að borga þá óreiðu.

Vegna þess að ekki er hægt að treysta flokkakerfinu á nokkurn hátt, sérstaklega ekki Icesave flokkunum núna, þá vilja margir, þar á meðal ég, að komið verði á beinu lýðræði með því að fólk fái að kjósa um málefni og kjósa persónur og hafa tækifæri til að hafa áhrif beint inn á Alþingi. Og með beinu lýðræði gætum við losað okkur við forsetaembættið eins og það er í dag með þeim hörmungum sem það hefur tekið þátt í að leiða yfir okkur. Það er algjör tímaskekkja og óþarfi í þeirri mynd sem það er nú.

[Björn Birgisson, 10.12.2009 kl. 19:38]

Sniðug hugmynd!

[Erlingur Þorsteinsson (IP-tala skráð) 10.12.2009 kl. 19:40]

Sjálfstæðisflokkurinn hefur merka sögu, það voru ýmsir heiðvirðir menn og vandaðar konur, sem gáfu kost á sér til ýmissa starfa fyrir flokkinn.

Ekki hefur stefnuskráin verið slæm heldur, það vantar ekki. Eftir ítarlega rannsókn á stefnuskrám, komst ég að því að stefnuskrá flokksins var mjög vel unnin.

Hins vegar er það svo að fjölmargir "Sjálfstæðismenn" og konur, vilja ekki með nokkru móti kjósa flokkinn, sem er aðalorsök fyrir spillingu, misbeitingu valds og sérhygli fyrir sig og sína.

Gasprið á þessum síðum er með ólíkindum.

Ég held að flokkurinn verði lagður af í kjölfar skýrslunnar sem kemur út í febrúar.

[Landið (IP-tala skráð) 10.12.2009 kl. 20:27]

Samt var Sjálfstæðisflokkurinn að fá 39 prósent í síðustu skoðannakönnun.