Að lokum súlukerling hjá Geirum á Gullfingrum heimsins

Aumingja blessað barnið, að lenda í þessum andskota. Nú verður stúlkugarmurinn látin stunda opinbert skækjulíferni fyrir óprúttna tísku- og líkamsdýrkunarperverta, sem líta eingöngu á svona gelgjugögl sem hráefni í sæmilegt penigaplokk.

Í fréttinni af óláni þessarar siðprúðu stúlku, kemur fram, að mest þyki henni varið í að dansa og vera með fjölskyldunni. Eftir ófarir hennar í Suður Afríku er viðbúið, að hún verði að taka upp aðra siði og líklega mun hún enda sem súlukerling hjá Geirunum á Gullfingrum heimsins.

Henni hefði verið andskotans nær, að halda sig á skrifstofunni sinni alla rúmhelga daga, dansa við fjölskylduna sína um helgar og sofa í eftirbreytnisverðu skírlífisstandi um nætur.  

Stúlka frá Gíbraltar valin ungfrú heimur

Athugasemdir

[Ingibjörg Friðriksdóttir, 13.12.2009 kl. 12:24]

Gæti það nokkuð verið að það örlaði á smá kvenfyrirlitningu?

[au, 13.12.2009 kl. 13:45]

Er í lagi hjá þér kallinn. Vona á þú hugsir ekki svo til dætra, frænka eða móður þinnar. Bera skal virðingu fyrir öllum einstaklingum. Þú ert haldinn alvarlegri sálarkreppu gagnvart kvenfólki. Hvað kom eiginlega fyrir hjá þér?

[Jóhannes Ragnarsson, 13.12.2009 kl. 14:08]

Ef það er kvenfyrirlitning, að hafa óbeit á ,,fegurðarsamkeppnu" og öðru þvíumlíku, þá verður víst svo að vera.

Hinsveg veit ég ekkert hvert frú au er að fara í sinni athugasemd. Ég gæti best trúað, að hún sé einhverjum fegurðar- og líkamsdýrkendabransa, a.m.k. dulítið svag fyrir að græða pénínga á slíkum skepnuskap. 

[Ingibjörg Friðriksdóttir, 13.12.2009 kl. 14:21]

Ég er sammála þér í því Jóhannes að fegurðarsamkeppnir finnst mér lágkúrulegar, en á meðan einhverjar dömur telja sig geta keppt um útlitsfegurð, þá er mér slétt sama.  Það káfar ekki upp á mig hverjar standa hálfnaktar og láta einhverja karla og kerlingar meta það hvort þær nái máli.....  Svo lengi sem það er ekki er borgað úr ríkissjóði .  Ég reyni að vera fordómalaus.  Kannski hugsaði ég öðruvísi ef ég hefði átt einhverja möguleika.  Get ekkert um að sagt, þar sem mín fegurð liggur inná við. jajahahahjaaaj

[Steinþór Magnússon, 14.12.2009 kl. 00:18]

Eru s.s. allar þær sem lenda í því að vinna fegurðarsamkeppnir og annað þvílíkt dæmdar til þess að lenda í slæmum hóp?. Allra síst ef maður fengi athygli frá fjölmiðlum myndi maður lenda í slíku þar sem fjölmiðlarnir leitast stöðugt eftir fleiri fréttum!