Háskólann í Reykjavík á að legga niður sem fyrst

Fyrir það fyrsta á að leggja þennan svokallaða Háskóla í Reykjavík niður og það strax um næstu mánaðarmót. Ríkið, þ.e. fólkið í landinu, hefur engin efni á að fjármagna einhverskonar háskólafyrirbrigði fyrir Sjálfstæðisflokkinn. Ef Sjálfstæðisflokkurinn vill endilega reka ,,háskóla" þá skal hann gera það algjörlega fyrir eigin reikning en ekki blanda almennum skattgreiðendum inní það drullumall.

Svo má alltaf deila um, hvort réttlætanlegt sé, að afgreiða útúr háskólum ómenntað prófgráðufólk í hundraða tonna tali á hverju ári. Ómenntað prófgráðufólk úr háskólum, er einhver hættlulegasta plága sem steðjað getur að einu þjóðfélagi. Hrunið og undanfari þess var einkar góður prófsteinn á umrædda prófgráðutossa og kom uppum hina blindu og skefjalausu menntadýrkun, þar sem aðaláherslan er magn en ekki gæði.

En eitt er víst: Háskólinn í Reykjavík er dæmi um óþarfa og bruðl, sem nauðsynlegt er að leggja niður sem fyrst.

 

Eigum að fjárfesta í nýsköpun

Athugasemdir

[Óskar Arnórsson, 14.12.2009 kl. 20:10]

Hvaða rugl er þetta í þér! Það er að koma nýr REKTOR og það þýðir siðaskipti þar. Og það vaar sáralítið að þar í bæ. Sjálfstæðisflokkurinn kemur þessu ekkert við.

Þessi pólitíska tenging við bókstaflega alla hluti sem hreyfast í þjóðfélaginu er alveg makalaus.  Ég er síður enn svo aðdáandi Sjálfstæðisflokksins. Mundi aldrei kjósa han þó það atrið komi engum við.

það hefur aldrei verið svo brýnt að ausa peningum í skólamál og ekki síst Háskólann. Hætta svona rugli eins og atvinnuleysisbótum og bjóða fólki úrval af kennslu.

Það eru svona mál sem Ari, nýji rektorinn berst fyrir, enn fuglar eins og þú traðkar oní skítinn.

Langar þig til að spara þig í hel? 

[Finnur Bárðarson, 14.12.2009 kl. 20:28]

Sammála Jóhannes

[Finnur Bárðarson, 14.12.2009 kl. 20:29]

Óskar skólinn er loftbóla útrásinnar, hún springur að sjálfsögðu. Hologram.

[Jóhannes Ragnarsson, 14.12.2009 kl. 20:36]

Þá ber eitthvað nýrra við, ef svokallaður Háskóli í Reykjavík kemur Sjálfstæðisflokknum ekkert við.

Pólitíska tengingin við alla hluti í þjóðfélaginu er því miður staðreynd, einkum og sérílagi varðandi Sjálfstæðisflokkinn þinn, Óskar.

Það er alls ekki brýnt að henda peningum í skólamál á þessum tímapunkti. Það sem er langsamlega brýnast, er að auka framleiðslu, einkum til útflutnings. Þessi innantóma skóladýrkun, sem farið hefur vaxandi hér á landi, hefur ekki skilað þjóðfélaginu neitt í líkingu við það sem haldið er fram, a.m.k. ekki betra þjóðfélagi, svo mikið er víst.

Um þennan Ara veit ég ekki neitt, geri bara fastlega ráð fyrir að hann sé auðsveipur og merglaus auðvaldsþjónn, eins og það er nú þrifalegt.

Um að spara sig í hel, hefi ég aðeins eitt að segja: Í þeirri stöðu sem við erum, er blátt áfram heimskulegt, jafnvel glæpsamlegt, að reyna að eyða peningum sem ekki eru til.

[Óskar Arnórsson, 14.12.2009 kl. 21:35]

Sjálfstæðisflokkinn minn? Heyrðu! Ég er hvorki í Jéhóva Vittni, Frímúrurum eða neinum heilaþvottarstöðvum.

Jóhannes! Ef einn maður verður færður, með góðu eða illu úr sambandi við Háskóla Íslands, Hannes Hólmstein, öllu skólafólki og starfsmönnum að miklu fagnaðarefni, er hægt að gera kennslu HÍ að útflutningsvöru.

Ég hef hvergi hitt eins marga kolbilaða vinstrimenn eins og í HÍ, svo þú ættir að vera ánægður. Meðan Ísland á enn einhverjar mjólkurkýr, eins og HÍ, vantar ekki svona ráðgjafa eins og þig sem ráðleggur slátrun.

Maður étur ekki útsæðið strákbjáni...ekki einu sinni hipp-hopp-skopparar hafa svona klikkaða skoðun eins og þú...

Þú ert nú meiri maðurinn.. 

[Jóhannes Ragnarsson, 14.12.2009 kl. 21:42]

Ég er bara ekki viss um, að þú gerir þér grein fyrir, Óskar minn, að Háskóli Íslands (HÍ) er ekki sama stofnun og Háskólinn í Reykjavík (HR).

Mig rekur ekki minni til að ég hafi lagt til, að Háskóla Íslands verði slátrað. Um Háskólann í Reykjavík gegnir öðru máli: Hann á sér ekki tilverurétt.

[Óskar Arnórsson, 14.12.2009 kl. 22:00]

Það var mín þýðing að þú vildir HÍ, feigan í sparnaðarskyni. Ég er ekkert að rugla saman HR og Hí. Það er algjörlega óhugsandi. þessir skólar eiga að vinna saman, og vera í sem minstri samkeppni, enn þó einhverri.

Hvers vegna á ekki Háskóli Reykjavíkur tilverurétt? Eiga ekki allir skólar tilverurétt, og það mætti fórna mörgu áður enn skólar og kennsla er lögð niður.

Það er alveg með ílíkindum hvað fólk sem hefur sýnt smá lit í umræðu, fer svo á kostum í heimsku þegar það er talað um menntun og mikilvægi þess.

Ég er viss um að ég geri mér grein fyrir einföldustu hlutum og grunn þörfum, þó mitt vit og menntun nái ekki mikið lengra.

Menntun er ekki mæld í kílóum Jóhannes.  Ekki heldur í gráðum...

[Ferningur, 14.12.2009 kl. 22:43]

Ef við tökum út sjálfstæðisflokkinn úr fyrstu efnisgreininni verður nokkuð til í henni.

Ríkið á ekki að greiða með hverjum nemanda í einkaskóla. Það er hvergi gert í löndunum í kringum okkur vegna þess að það mun að lokum leiða til stéttaskipts menntakerfis.

Ríkið á enn síður að lána fyrir skólagjöldum í HR í gegnum LÍN meðan LÍN er í þeim erfiðleikum sem þeir eru í núna. Ef fólk á ekki fyrir skólagjöldum í HR þá stendur til boða fullkomlega sambærileg menntun og í mörgum tilfellum betri ókeypis í HÍ.

[Óskar Arnórsson, 15.12.2009 kl. 01:24]

Trúir einhver að menntun sé ókeypis í HÍ? Kostnaðurinn heitir bara annað í öllum tilfellum sameiginlegur kostnaður frá þegnum landsins.

Bendi Ferningi á að það eru einmitt löndin í kringum okkur sem lána námsmönnum fyrir að stunda einkaskóla eða aðra skóla. Og úrval menntunar hefur aldrei verið meira og fólk ræður sjálft hv ar það stundar nám.

HR gæti verið einstaklega hjálplegt núna þegar atvinnuleysi ríkir. Þessir tveir skólar eru með endalausa möguleika ef það væri ekki fyrir hópa í þjóðfélaginu sem eru næstum á móti ókeypis skólum.  Eða bara á móti því að fólk eigi jafnan rétt á menntun og þurfi ekki að láta stjórnast af fjárhag sínum.

Einkaskólar í Danmörku og Svíþjóð þróast sem aldrei fyrr, og notaðir til að auka möguleika atvinnulausra m.a. á krepputímum. Ríkið borgar fólki fyrir að stunda nám í óteljandi einkaskólum í löndunum hér í kring.

Það er alveg á hreinu að það mun aldrei skipta máli hvort skóli er skráður sem eign fárra, eða  sameiginleg eign þjóðarinnar. Reglur um skólahald yfirleitt, gerir það ómögulegt að fólk muni nokkurtíma sjá hlutabréf HR í kauphöllinni fyrir braskara og fjárglæframenn.

Aðför að HR er raunverulega aðför að HÍ líka. Setjið upp fleyri Háskóla á Íslandi, enn fjölbreyttara nám og byrja á að gera kennarastarf áhugavert enn ekki breyta henni í láglaunastétt.

Það var menntun og skóli sem dró Íslendinga út úr torfkofunum og úr torfkofahugsanahætti. Okkur vantar ekki að komast á þann stað aftur í Íslandssögunni.

Öll menntun á að vera ókeypis fyrir íslendinga, og útlendinga er hægt að rukka fyrir skólagöngu. Það þarf að selja íslenska menntun til útlanda áður enn henni er eytt í nafni sparnaðar. 

Útlendingar búsettir með sömu réttindi og íslendingar, teljast ekki með. það er pláss fyrir 2 jafnstóra háskóla á Íslandi til viðbótar og Hí og HR eru í dag.

Ef það er eitthvað sem getur hleypt lífi í Ísland í dag á þessum ömurlega krepputíma sem er, þá er það fjárfesting í allskonar skólahaldi. 

[Árni Þór Björnsson, 15.12.2009 kl. 07:21]

Skrýtin umræða. HR hefur opnað ýmsar dyr sem áður voru luktar m.a. í lögfræði og einnig er þar viðurkennt MBA nám og það er ekki rétt sem Jóhannes segir að HR útskrifi "ómenntað prófgráðufólk í hundraða tonna tali á hverju ári "Að kalla þetta dugmikla fólk sem leggur á sig langskólanám einhverja  "hættlulegasta plágu sem steðjað getur að einu þjóðfélagi" er bull. Greiða þarf skólagjöld og námið er strembið enda yfirferðin oft hraðari en í HÍ. Meiri kröfur, aukin menntun og aukin afköst. Þetta fólk skilar miklu til þjóðfélagsins, það kennir börnunum þínum, læknar þau og hlynnir að þeim, það lætur hjól samfélagsins snúast. Menntun er aldrei mikilvægari en núna þegar Economic Hit Men frá AGS gera sitt besta til að eyðileggja öll þjónustustig í landinu og vilja eins og þú að þjóðfélagið allt einskorðist við framleiðslu, ál ,járnblendi og fisk.Allt er síðan fullunnið erlendis, aðallega Asíu. Allur ágóði fer síðan í lánagreiðslur . 'Í slíku kerfi er menntun ofaukið.

[Jóhannes Ragnarsson, 15.12.2009 kl. 19:20]

Ég ansa ekki blauðum hlandaulum eins og ,,Árna úr Járni" sem hafa ekki hugrekki til að skrifa undir nafni. Og yfir höfuð kæri ég mig ekki um neinn draugagang á mínu bloggi!

[Ferningur, 16.12.2009 kl. 00:41]

Hvað ertu að fara Óskar? HR fær nákvæmlega jafn hátt framlag og HÍ á hverja þreytta einingu. Ofan á þetta fær HR að rukka skólagjöld. Þannig er þetta hvergi í kringum okkur. Þar fá einkaskólar engar greiðslur frá ríkinu fyrir hverja a þreytta einingu.

Það er augljóslega engin forsenda fyrir jafnri samkeppni milli skólana meðan málin standa svona.

Hvað varðar LÍN er lúxus fólginn í því að geta lánað fyrir skólagjöldum í einkaskóla, nokkuð sem við getum ekki leyft okkur eins og ástandið er í dag og þurfum þess heldur ekki meðan námsframboðið í HÍ er eins gott og það er í dag.

Loks höfum við ekkert að gera með fleiri Háskóla. Útlendingar hlægja að okkur þegar þeim er sagt að hér séu fjórir sjálfstæðir háskólar með lögfræðideildir.

[Óskar Arnórsson, 16.12.2009 kl. 09:19]

Ferningur! Ég er bara með aðra skoðun um þessa skóla og skólahald yfirleitt.  Það eru skólagjöld í HÍ líka.  HR hefur ekki sömu sort af fjármögnun og HÍ. Eins og Happdrætti og þess háttar.

Ég trúi að fleiri skólar myndi auka úrvalið á allskonar menntun. Háskólar eru með lögfræðinám, læknanám, prestanám og allskonar nám. það er ekki til neitt sem heitir óþarfa nám neinsstaðar. Það eru opinberar tölur um hversu margir eru í hverju námi.

Hvort útlendingar hlægja eða ekki, hefur ekkert með málið að gera. það sem er aðalatriðið er hafa ekki háskólamál í svo fáum höndum að það þurfti enhvern klíkuskap til að komast í nám.

Þetta er spurning hvort fólk trúir að til sé eitthvað sem heitir "óþarfi" í námi eða ekki.