Frænka frú Ingveldar gefur kost á sér

Það veit ég að allur þorri Hafnarfjarðsbúa hefur hoppað í loft upp af gleði þegar það spurðist út, að Rósa Guðbjartsdóttir gæfi kost á sér í 1. sæti á lista Sjálfstæðisflokksins í Hafnarfirði. Rósu reiknast það helst til tekna, að vera náfrænka skörungsins frú Ingveldar, sem gaf kost á sér í 2. sæti sjálfstæðislistans í Reykjavík. Ef Rósa hefur til að bera, þó ekki væri nema helminginn af skörungsskap frænku sinnar og viljafestu, eru Hafnfirðingar algjörlega hólpnir með hreppsnefndarmál sín næstu fjögur árin.

Þess má og geta, að Rósu og frú Ingveldi sinnaðist fyrir nokkrum árum á ættarmóti og varð að kalla til fjölmennt lögreglulið til að ganga á milli þeirra frænkna svo ekki yrðu vígaferli. Reyndar fór Rósa mjög halloka fyrir frænku sinni í bardaganum, sem ekki er að undra, þar sem frú Ingveldur er fullra tveggjamanna maki að burðum og harðskeytt eftir því, svo sem Kolbeinn eiginmaður hennar hefur margsinnis mátt reyna á eigin skinni eins og kunnugt er. 

Rósa gefur kost á sér í 1. sætið

Athugasemdir

[Finnur Bárðarson, 18.12.2009 kl. 16:15]

He, he, he, ekki veitir af að létta manni lund :)

[Baldur Hermannsson, 18.12.2009 kl. 17:39]

Það yrðu nú aldeilis fagnarlæti hjá kommapakkinu hér í Hafnarfirði ef hún Rósa leiddi listann.  Þetta er engin ágiskun. Þeir hafa sagt mér það sjálfir, fari þeir bölvaðir.

[Jóhannes Ragnarsson, 18.12.2009 kl. 18:54]

Já, ég hef heyrt að kommarnir í Hafnarfirði séu svo yfir sig hrifnir af eldamennskubókinni hennar Rósu, að þeir séu tilbúnir að kjósa hana í vor; ennfremur að einn þeirra hafi m.a.s. látið hafa eftir sér, að kokkhússkræðan Rósu sé bókmenntaafrek, sem jafnist fullkomlega á við íslendingasögurnar og verðskuldi nóbel og heiðurslaun listamanna. 

[Baldur Hermannsson, 18.12.2009 kl. 19:25]

Þeir mæta á kjörstað og krossa við Rósu.