Ærlegir kvenmenn vilja saltstorkna sjóara en ekki roðhænsni

Ja, ófétislegir erum vér karlmenn, ef þetta skoffín er okkar fallegastur í veröldinni. En sennilega hafa kannabispæklaðir hómósexúalistar verið að verki við að velja þennan draumaprins heimsins. Svoleiðis náungar eru ekki vandir að meðulunum þegar þeir hafa sig á kreik. Nú má satt vel vera, að þótt drengstaulinn Brunó falli í kramið hjá stöku kallgægsni með sérþarfir, þá lítur ekki nokkur ærlegur kvenmaður við svona hænsni. Ærlegir kvenmenn vilja saltstorkna sjóara, sem ekki hafa komið nálægt sápu eða rakvél í að minnsta kosti mánuðuð, drekka ákavíti eins og aðrir menn vatn við þorsta og keyra um á þýskum lúxuskerrum. Þessháttar naglar eru heldur ekkert blávatn þegar bólfarir eru annarsvegar, byltast um eins og ólgandi úthaf en samt ákveðnir og brennandi eins og eldspúandi drekar og geta bókstaflega vakið steindauðar og vitanáttúrulausar piparjúnkur upp frá dauðum þannig að blóðið fer að fossa um æðar þeirra eins og stórfljót í asahláku. En Brúnó þessi drepur eflaust, að sama skapi, hverja einustu kvensu úr leiðindum, sem hann hefur rænu á að skríða uppí hjá. En það þarf nú varla að óttast að hann hafi rænu á að standa í stórræðum af því tagi. 

Fallegasti maður í heimi

Athugasemdir

[Baldur Hermannsson, 21.12.2009 kl. 22:24]

Íslenska konan er karlmennsku svipt/

því kraftlaust er hippa liðið./

En Hallgerður langbrók var hetjum gift,/

og henni var mikið tralalalalala...........

[Rauða Ljónið, 21.12.2009 kl. 22:47]

Þær vilja ei sjóarann hann Villa,
samt  átti hann fallega ferlega titla.
Hann var ei fríður,
því var því miður.
en vilja samt Sætabrauðs strákanna brúka.

 Kv. Sigurjón