Menningarstig, hugsunarháttur og úrkynjun komin á alvarlegt stig

Ekki lætur bókmenntasmekkur Íslendinga að sér hæða fremur en fyrri daginn. Meðal vinsælustu reyfaranna fyrir þessi jólin eru grobbsaga um Vigdísi kerlingu, sem Íslendingar gerðu að forseta hjá sér uppá grín hér um árið, Jólasveinarnir 13, dónasögur af sonum Grýlu mannætu höfuðdýrlingi íslenskra kapítalista og skræða sem frjálshyggjuklerkurinn Hjálmar í Dómkirkjunni hefur tekið saman um sjálfan sig, þar sem hann hælir sér af því þegar hann vann hörðum höndum, sem þingmaður, að greiða götu frjálshyggjukapítalismans, sem steypti þjóðinni í glötun fyrir ári síðan.

Ef listinn yfir vinsælustu jólabækurnar þetta árið er gildur mælikvarði um menningarstig og hugsunarhátt þjóðarinnar, verð ég að viðurkenna, að útlitið er mun svartara en áður var talið og andleg úrkynjun alvarlegri en svo að við verði unað. 

Bók Vigdísar selst best

Athugasemdir

[Baldur Hermannsson, 22.12.2009 kl. 21:25]

Þakkaðu fyrir meðan Jóhanna Sigurðardóttir, sem vinstri menn gerðu að forsætisráðherra upp á grín, kemur ekki á markaðinn, þá fyrst verður nú handagangur í öskjunni.

[Jóhannes Ragnarsson, 22.12.2009 kl. 22:13]

Ef Jóhanna kæmist á topp jólabókaflóðsins með rauphistoríu af sjálfri sér, væri barátta þjóðarinnar endanlega töpuð.

[Ingibjörg Friðriksdóttir, 23.12.2009 kl. 21:54]

Jóhanna er ekkert skemmtileg, hún er heldur ekki sæt og því síður bráðgáfuð en ég held að hún sé heiðarlegasta þurrku... sem uppi er um þessar mundir.

Ég er búin að kaupa mér bókina hans Jónasar Kristjánssonar og ég hlakka til að lesa hana á jólanótt.  Vigga fær að bíða þar til vorar....

[Baldur Hermannsson, 23.12.2009 kl. 22:05]

OK ég trúi ykkur, en ef ég þekki mitt heimafólk mynduð þið rjúka upp til handa og fóta til að kaupa ævisögu Geirs Haarde.