Glæsilegt afrek kjarnakonu

Það á ekki af þeim vinunum, Berlúskóna og Benedikt páfa, að ganga þessa dagana: Fyrir nokkrum dögum rotaði illmenni Berlúskóna með dómkirkju og nú veður blóðgrimmur kvenvargur að Benedikt og slær hann niður fyrir altarinu í Péturskirkjunni. Og ekki nóg með það: heldur vék kvenvargurinn sér að níræðum kardínála og fótbraut hann af skefjalausu offorsi.

Þegar ég frétti af hinni djöfulóðu konu, sem misþyrmdi páfa og kardínála í gær, varð mér fyrst fyrir að halda, að þarna hefði frú Ingveldur á ferðinni, en mundi svo, að á þeirri stundu, sem atvikið átti sér stað í Péturskirkjunni, dvaldi frú Ingveldur í fangaklefa á Lögreglustöðinni við Hverfisgötu eftir að hafa verið handtekin fyrir ölvun og óspektir og að særa blygðunarkennd fólks á almannafæri.

En mikið óskaplega væri intresant, að fá flagðið, sem veitti Benedikt XVI og níræða kardínálanum ráðninguna, hingað til lands til að lúberja hina svæsnu útrásarhunda okkar, peninglæpalýð og sjálfstæðismenn.

Hefur áður reynt að berja páfa

Athugasemdir

[Sigurður Helgason, 25.12.2009 kl. 11:18]

Svo er alltaf talað um geðveilu hjá þessu fólk,

það er ekki geðveila að langa til að berja glæpamenn það er eðlilegt,

[Sigurbjörg Sigurðardóttir, 25.12.2009 kl. 11:59]

þetta er að verða sport að lúskra á æðri?? mönnum.

[Árni Gunnarsson, 25.12.2009 kl. 12:43]

Ætli Bensi garmurinn hefði ekki gott af því að vera barinn dálítið hressilega á hverjum degi?

[Níels A. Ársælsson., 25.12.2009 kl. 13:08]

Ég hvar ekki búinn að frétta þetta með frú Ingveldi.

Hvað gerði hún af sér núna blessunun ?