Búrtíkin gjammar fyrir húsbændur sína

Skipstjórinn góðkunni, Björn Valur Gíslason, skipti eins og kunnugt er um starfsvettvang síðastliðið vor og hefur nú haslað sér völl sem búrtík Álfheiðar Inga, Steingríms J. og Svavarsfjölskyldunnar í VG. Síðan þá hefur vegur Björns Vals sem búrtíkur vaxið hratt og er nú svo komið að hann er á engann hátt síðri búrtík en Árni Þór, verðlaunapeningurinn sá. Og víst er um það, að búrtíkurnar góðu spara húsbændum sínum mörg sporin. Steingrímur þarf t.d. ekki að segja annað en ,,urdanbíttann," þá stökkur Björn Valur af stað geltandi og spangólandi eins og baskervillhundur, tilbúinn að reka hvern sem á vegi hans verður fyrir björg eða éta þá ella. Sama er að segja um Árna Þór: Þegar Álfheiður og Swandees siga honum á Liljurnar, Mósesdóttur og Grétarsdóttur, og Ásmund Einar dalabónda, rýkur hann samstundis í hælana á þeim eins og hvefsinn hvolpur. En verst er, að bráðum mun hann bíta aðeins of fast og þá mun verða drepið í honum með einhverjum skóhælnum eins og sígarettustubbi.

Já, það er óborganlegt að eiga góðar búrtíkur ef hafa skal hemil á óþekkum flokkssauðum.

Segir forsetann taka undarlegan pól í hæðina

Athugasemdir

[Baldur Hermannsson, 2.1.2010 kl. 20:13]

Það er farið að pirra mig hve oft ég er sammála Jóa Ragg. En þess á milli heimtir hann mig úr helju með dramatískum frásögnum af Sjálfstæðisflokknum og hetjum hans.

[Auðun Gíslason, 2.1.2010 kl. 21:57]

Getiði þá ekki sveiað henni til að þegja, þið tveir og Ketill Skrækur?

[Jóhannes Ragnarsson, 2.1.2010 kl. 21:59]

Svona búrtíkur taka bara við skipunum frá eigendum sínum.

[Ólafur Ingi Hrólfsson, 3.1.2010 kl. 07:55]

þessi lýsing á bvg (bara venjulegur gjammari ) er frábær - Árni Þór er líka búinn að vinna fyrir sinni lýsingu fyrir löngu

[Jakob Jörunds Jónsson, 3.1.2010 kl. 11:31]

Nú tek ég hatt minn og hárkollu ofan fyrir þér Ragnar!

Gott að sjá að þú getur líka gagnrýnt þá sem eru þín megin við pólitíska miðju hinna stórfurðulegu íslensku stjórnmála.

Hef alltaf gaman af því að lesa skrif þín og enn meira gaman af því að sjá hvað sumir taka það bókstaflega sem þú segir og hrökkva í pólitískan baklás með tilheyrandi bókabrennum

En mér finnst að þú hefðir nú af góðmennsku þinni átt að bjóða þessum pólitíska varðhundi gott heimili á Ólafsvík, þar sem að það fer greinilega illa í hann að búa í höfuðborginni. Kannski vegna þess að eigandi hans verður alltaf að teyma hann út á Geirsnef til að leyfa honum að ganga örna sinna....

[Jakob Jörunds Jónsson, 3.1.2010 kl. 14:08]

"Nú tek ég hatt minn og hárkollu ofan fyrir þér Ragnar!"

Átti að sjálfssögðu að vera Jóhannes  

[Jóhannes Ragnarsson, 3.1.2010 kl. 17:40]

Allt í góðu Jakob, ég er nú einusinni Ragnarsson, svo þér skeikaði ekki mikið.