Þar fór ríkislögreglustjóri rangt að, stakk fingri í rangan þumal ef svo má segja

Og keypti frú ríkislögreglustjórinn Glock skammbyssur. Ja þar fór hún rangt að. Í hennar sporum hefði ég keypt Browning. Hún lítur út eins og leikfang en með henni er hægt að salla niður tuttugu tuttugu leiðtoga Evrópuráðsins á tveimur mínútum hvort sem þeir eru feitir eða horaðir. En eins og þið vitið, þá er betra að hæfa feitan leiðtoga en horaðan. Þetta skutu þeir einusinni konunginn sinn í Portúgal. Hann var einn af þessum feitu. Þeir hittu hann undir eins spikfellinguna og þaðan kastaðist kúlan upp undi hökuna á honum og upp í heila. Og þar með draumurinn búinn.

Það er náttúrlega meir en sjálfsagt að ríkislögreglustjórinn kaupi byssur og önnur nytsöm vopn, sem þurfa að vera til reiðu til að verjast óvininum þegar hann ber að garði. Þér vitið að óvinurinn vitjar yðar þá hans er síst von; hann kemur eins og þjófur að nóttu og rænir péníngunum yðar og konum yðar og skilur yður eftir í blóði yðar, alblóðugan og stórslasaðan. Upp úr því fer nú heldur að styttast í annan endann fyrir yður.

Kunningi minn einn, sem stundum kemur í tómstundaheimilið Höllina, sagði mér um daginn, að kunningi hans, sem býr í Reykjavík og er þaulkunnugur þar, hafi sagt sér, að lögreglan, að meðtöldum ríkislögreglustjóra, hafi nú þegar komið sér upp álitlegu vopnabúri með fjölskrúðugu safni af vítisvélum, allt frá fyrrnefndum Glock skammbyssum upp í vélbyssur og litlar og nettar háþróaðar eldflaugar, sem verða nytsamar þegar þar að kemur að ríkislögreglustjóri gefur skipun um að sprengja heilan glæpaflokka í loft upp á einu augnabliki. Vissulega gefur þessi staða þjóðinni góðar vonir um að þjóðskipulagið fái staðist allnokkur ár til viðbótar.

Keypti glock-skammbyssur fyrir 30 milljónir

Alvarlegur afmenntunarslagur milli tveggja argvítugra nýfrjálshyggjusteggja

Þeir eru hvor öðrum sorglegri og alvarlegi, bévaðir steggirnir. Annar er upphafsmaður nýfrjálshyggjuæskunnar frá Eimreiðinni og Valhöllu, hinn svo ógn róttækur sosialist að hann varð að ganga í Framsóknarflokkinn. Það sér hver heilvita maður að soddan gemsar eru með öllu óhæfir til að fara með uppeldi og menntun æskulýðs. Enda hefir þróunin frá upphafi nýfrjálshyggju Björnsbjarna til framsóknarmarkaðshyggju Lambeyrarslánans verið ólæsi og aftur ólæs og að tveir plús tveir séu tuttugu og fimm en ekki fjórir. Vér getum þakkað þessum göfugu herrum fyrir ómenntuð börn, afmenntaða unglinga í vitrofi og skaðmenntuð ungmenni með innantómar pungaprófsgráður í lög-, hag-, viðskipta-, læknis-, og guðfræði, svo ekki sé minnst á krataeðlisísku líbéralana í íslenskufræðum. 

Annars er drengurinn frá Lambeyrum í Dölum og hans frændur alveg ágætir í að plægja á sérstakan hátt upp gróin tún, og eru verk þeirra í landbúnaði talin til framfaraafreka í Fjósi Framsóknarmaddömunnar. Íllt er þetta allt og bölvað og Björnbjarna verri en enginn í menntaumbótum og uppbyggingu betra mannlífs. Þá er talið að Ásmundur Einar sé genginn af trúnni og sé orðinn himbrimatrúar, en Björn karlinn hefir alltaf trúlaus verið, nema hvað honum hefir verið vel til Valhallar, Heimdalls og Gláms, en foraktað Guð og góða siði.

En nú eru þessir legátar, annar úr Dölum vestur, hinn úr Engey, komnir í hár saman um hvor þeirra sé sorglegri og meiri afturúrsiglari og afmenntunarsauðnaut. Vissulega koma báðir til greina sem handhafar þessara þriggja ágreiningsmála, og hvor um sig vel að heiðrinum kominn. Björnbjarna er þegar tilbúinn til að skjóta þrætuefninu til NATÓ, meðan dalavandræðaskáldið hefir þegar vísað árás Engeyingsins til gömlu Framsóknarmaddömunnar, sem einlægt liggur ölvuð af áquqvítae í kör sinni í tuddabásnum í Framsóknarfjósinu. Sennilegur lúkur þessum slag með því að Bjrniben og Björnsfrændi tekur málaflokkinn afmenntunarmál af stráknum með geldingatengurnar og felur hann Hannesi Hólmsteini Gissurarsyni til grillunar og geymslu. 

Óvissa undir Ásmundi: „Sorglegt og alvarlegt“

,,Jafnréttisstofa" treflavafðra andskota

Hver ætli séu þessi ,,jafnréttismál" sem stofu ,,jafnréttis" er ætlað að starfa að. Ekki efnalegt jafnrétti á málaskrá þessarar stofnunnar, sem nú vantar framkvæmdastjóra til að fóðra á háum launum á kostnað almennings. Ekki held ég að andlegt jafrétti sé hátt skrifað hjá ,,Jafnréttisstofu", eða jafnrétti til að gera út á fiskveiðar hér við land. Og ,,Jafnréttisstofu" er ugglaust andskotans sama um ójöfnuðinn sem ríkir á milli Þorsteins Más og samherja hans annars vegar og fátækasta öryrkjans og aldraða öreigans hins vegar. 

Til hvers er þá þessi skítelsisstofnun, ,,Jafnréttisstofa" þá? Sennilega ekki til neins. Ja, nema ef vera skyldi að hafa skaðmenntaða treflavafninga og mussubera á opinberrum launum, sem væri auðvitað réttara að kalla svimháar atvinnuleysisbætur eða ofurrausnarlegt mánaðartillag, fast með aukagreiðslum og bitlingum, fyrir andlega auðnuleysingja með harðlífi. En það er náttúrlega ekkert gamanmál að vera forstjóri ,,Jafnréttisstofu", sem er, þegar öllu er á botninn hvolft, gæluverkefni yfirborðsheimskra stjórnmálaapa, sem kjósendur hafa verið svo óvarkárir að velja til að fara með sameiginlega mál landsmanna á Alþingi og í ríkisstjórn.

En hvað ætli mundi gerast ef ,,Jafnréttisstofa" væri lögð niður með einu pennastriki og þegnarnir sem þar eru á péníngaþyggjendaskrá sendir heim og sagt að fara að haga sér eins og venjulegt, skikkanlegt fólk? Jú, það eina sem gerðist væri að örfáir treflaðir besservisserar úr vissum flokkseigendafélögum, litskrúðugir í klæðaburði eins og jólatré í húsum auðmanna, mundu reyna að steyta garnir sínar mót hymmninum og tala óskiljanlegum tungum um enn óskiljanlegri grautargerð. Og eftir situr spurningin um hvaða déskotans ,,jafnréttismál" það er sem þessi ,,Jafnréttisstofa" spilltra stjórnmálavesalinga nútímans var sett á laggirnar utan um.  

Þessi sækja um stöðu framkvæmdastjóra Jafnréttisstofu

Hann taldi sig þekkja gamla vinkonu

Tja, sá pólski taldi sig þekkja gamla vinkonu, þar sem Metta Friðriksson var, og ætlaði að vera kammó við hana og rifja upp gömul og ástúðleg kyni. Það má vera að karlanginn hafi danglað heldur of fast í handlegginn henni, þannig að hún stakkst á hausinn, en það var ekki illa meint, þvert á móti. Á eftir þóktis Friðriksson kérlíng ekkert kannast við þann pólska, sem er auðvitað óheiðarlegt og falskt af henni.

Sannleikurinn er sá, að Metta og pólski kavalérinn áttu í dulitlu sambandi, leynilegu og hálf sona subbulegu; það var að kveldi til á milli atriða og skuggsýnt í portinu. Nú, þegar hinn pólverski herramaður sá í gegnum móðu og mistur alkóhólsins vinu sína standa þarna eina og sér, að honum fannst, þókti honum upplagt að þau endurnýjuðu kynni sína í næsta runna eða húsasundi. En því miður fór eins og fara gerði og Metta valt um koll og fór að hrína eins og grís.

Nú verður hver og einn að eiga við sjálfan sig hvurnig þeir líta þessi misstökk hins pólska. Það má vera að hann hafi ekki á að vera eins pöddufullur á almannafæri sem raun bar vitni. En Metta Friðriksson átti heldur ekki að fara undan í flæmingi þegar vinur hennar leit til hennar ástúðlegu augnaráði, sem hafði fólgið í sér fyrirheit um óslökkvandi lostabál. Frú Ingveldur er þeirrar skoðunar að Metta og sá pólski hefðu átt að fallast í faðma og leiðast síðan burt af götu og láta náttmyrkrið fela sig. En, neinei, bölvuð krataeðlisskrukkan lét sig falla til jarðar, eins og svindlandi fótboltamaður, og var ekki fyrr staðin á lappir en hún kærði Pólverjann fyrir hrottafengna árás á víðavangi. Það má mikið vera ef aumingja Pólverjinn verði ekki rekinn úr landi í Danmörku eftir að hafa setið þar í fangélsi í tuttugu og fimm ár.   

Of ölvaður til að muna eftir árásinni á Frederiksen

Tækifærissinninn og nærbuxnalausasta kona ævi hans

Að stuðningur Bubs við Yazan eigi eftir að standa til kvölds? Það er ekki víst. Í kvöld gæti Bubur verið búinn að skrifa undir plagg hvar krafist er að Yazan verði rekinn úr landi eigi síðar en á miðnætti. Já, Bubur er bjöllusauður með afbrigðum, og tækifærissinni með eindæmum. Helvískur karlinn er ekkert skárri en drukkinn krataeðlissjúklingur í tækifærismennskunni, því hann skiftir ótt og títt um skoðanir, þannig að allt er á ringulreið í höfðinu á honum.  

Þess er skemmst að minnast, að karlsauðurinn hefir verið yfirlýstur stuðningsmaður allra stjórnmálaflokka og með þeim og á móti í leiðinni. Hann hefir grénjað af hvatvísri frygð á eftir nýfrjálshyggjunni, baulað af losta fyrir framan útsteypta framsóknarkrata, mígið utan í sosialista og galað eins og hani fyrir frú Sæland og klausturjúnkanan hans Sigmundar Davíðs. Einhver sagði að þetta væri til mark um óstjórnlegt frjálslyndi Bubs og sannan trúarofsa hans.

Einhverju sinni stakk Brynjar Vondalykt fæti fyrir Bubb þar sem hann hljóp um sviðið í öskurkasti, með þeim afleiðingum að hann steyptist eins og drumbur sviðinu og hafnaði í fanginu á ekki minni kvenmanni en Máríu Borgargagni. Og eins og við manninn mælt, hafði Bubur sent út stuðningsyfirlýsingu við Borgargagnið og hældi henni fyrir að vera allra nærbuxnalausasta kona sem hann hefði kynnst á allri sinni lífsfæddri ævi. Vissulega er Máría Borgargagn nærbuxnalaus, já og það svo, að hálfgerð skömm er að. En Máría fullyrðir líka, að Indriði Handreður, eiginmaður hennar, sé rammur. - Hann er rammur þetta helvíti að fullu óeðli, sagði hún í útvarpsviðtali fyrir fimm árum, og það er sennilega satt hjá henni.

Halli, Palli, Bubbi og fleiri styðja Yazan

Svo Cameldýrið lét sig hafa að velja minni-sótann Wollzz.

Cameldýrið Harris valdi valdi þá minni-sótann Walz sér til varaforsetaefnis að þessu sinni. Ég er nokk viss um að Trumpið flautar á þessa visku Cameldýrsins, því Walz (borðið fram Wollzz) er frægur afturúrsiglari og naut. Ekki vitum vér hvaða tegund fávisku er bak við val Camelsins, en viðbúið er að ekki finnist nokkur sála til að kjósa framboð hennar út á minni-sótann. Það eru því allar líkur á að framboð Cameldýrsins verði það sem kallað er fíaskó og hún verði að kosningu lokinn send til Síberíu eða Sádí Arabíju. Það ber nefnilega að hegna fólki fyrir svona axarspaft sem Wollzzarinn vissulega er.

Þá hefði verið nær fyrir frú Camel að fá Áslaugu Örnu, Ólabjörn Kárason eða framsónaryrðlinginn Ásmund Einar Daðason í framboð með sér til varformanns. Öll þrjú eru ungar stjörnur á hvínandi uppleið. Eins hefi verið vel séð hjá Camledýrinu að fá Kristrúnu du la Kvika Kapítal til liðs við sig eða Þorvald Gylfaþornsson, þau eru nefnilega kostulegur fénaður og frávita af démókratísku krataeðli. Svo eru Siljabora bandaríkjafræðingur og kanasleikjan Kritófer á lausu. En Cameldýrið Harris er blind og féll á fyrsta prófi.

Á meðan vér Íslendingar settum á dögunum eina péníngahít með klút um svírann sem forseta hjá okkur, sem sé ana Höllu de la Auður Capítalism, sem forseta hérna hjá okkur, þá er allt í ólestri hjá demókrötunum í Bandaríkjunum, þeirra bestmann orðinn gersamlega elliær og settur af fyrir afglöp og vitleysu, en í staðinn fengu þeir eitt veleðla cameldýr með totu. Það verður létt verk fyrir abelsínugöla götustrákinn Trump að bera sigurorð af svona finngálknum. 

Tim Walz er varaforsetaefni Harris

Bráðlega segir sá íslenski af sér og leggur á stjórnlausan flótta - sem betur fer

Mikið væri óskandi að forsætisráðherra íslensku ríkisstjórnarinnar færi að dæmi Sjeiks Hasína í Bángladess, þ.e. að segja af sér og leggja á flótta og flýja land. Og það sem meira er: Það mundi enginn lifandi maður á Íslandi sjá eftir forsætisráðherranum, en margir mundu hlæja og gjöra óspart gys að flóttamanninum og óteljandi afglöpum hans. En það er víst orðið tímabært að styggð komi að stjórnmálahjörðinni á Íslandi og hún taki til fótanna.

Vissulega er samt flóttinn hafinn. Katrín lagði á flótta síðast liðinn vetur, flokkurinn sem hún hafði óverðskuldað atvinnu af er að drepast á líknardeildinni og Sjálfstæðismennirnir eru að verða örvita af hræðslu við að þeirra bíði innan skamms sömu örlög og Katrínarflokksins. Og ef til vill er óhjákvæmilegt hjá íslensku flokkaræxnunum að drepast hver af öðrum eins og mýs sem hafa etið yfir sig af rottueitri. Æ, farið hefir fé betra og Fjandinn hirði þá alla.

En svo vikið sé að alvarlegi málum, þá er víst komin upp alvarleg kynvilla í Framsóknarflokknum og það svo að þessi aldraði hlandmerarflokkur er undirlagður af þessum meinlega kvilla. Er skemmst frá að segja, að forusta flokksins, þingflokkur, flokkseigendur og trúnaðarmenn féllu allir sem einn á lyfjaprófi; mannskapurinn reyndist með allt of mikið af öfugum og neikvæðum hormónum í blóðinu, auk ýmiskonar bannaðra efna sem hafa á einhvern hátt komist inn í framsóknarmeralíkamana. Gamla Framsóknarmaddaman er löngu sýkt af öllum þeim óþverra sem í boði hefir verið í einu kapítalísku landi; hún hefir lengi legið í kör, drukkin í eiturlyfjakófi, svo mygluð og úldin að til hörmungar verður að telja. En nú er sem sé svo komið að Framsókn, sem lengi hefir verið opin í báða enda, veit ekki lengur hvers kyns hún er eftir gengdalaust víagraát og eitraðar hormónasprautur. 

Mótmælendur fagna afsögn og flótta

Svar til Indriða á Skjaldfönn varðandi Sósíalistaflokk Íslands og Gunnarsmára

Það má slá því föstu að stjórnarfarið og flokkarnir hafa ekki batnað á síðustu þremur árum.

Varðandi Sósíalistaflokkinn, þá veit ég ekki hvað úr honum verður. Fyrir það fyrsta þarf að ljúka við að stofna þann flokk og skipuleggja á svipaðan hátt og aðra flokka. Það er réttlætanlegt að hefja stofnun flokks með því að skipa framkvæmdastjórn, eins og gert var hjá Sósíalistaflokknum, en þegar flokkurinn hefur ekki komist lengra en að stofna framkvæmdastjórn eftir 6 eða 7 ára starf, þá líst mér ekki á blikuna. Reyndar hefur Gunnarsmári stofnað eitthvað af hliðarfélögum við flokkinn, svo sem eins og þessa ,,Vorstjörnu", sem tekur við ríkispeningum frá Sósíalistaflokknum. Síðan lætur ,,Vorstjarnan" téða aura frá ríkinu renna til annars félags, ,,Alþýðufélagsins", sem Gunnarsmári stofnaði líka og er alls ótengt Sósíalistaflokknum, en það sérkennilega félag á og rekur, að sögn, Samstöðina. 

Ég er á því, að meðan Gunnarsmári fær að valsa þarna innan dyra í hlutverki ,,bleika fílsins", aðallega til að hafa atvinnu af fyrir sjálfan sig, og sérkennilegur hópur af konum, sem eru fyrst og fremst í að praktíséra fémínisma, auk nokkurra búrtíka, sem rjúka upp þegar húsbóndinn sigar þeim, þá geti þessi Sósíalistaflokkur aldrei orðið sósíalistaflokkur, eða annað gagnlegt í þá átt. Að þessu sögðu, þá er eðlilega að álykta sem svo, að ég sé heldur svartsýnn á framtíð íslensku sósíalistahreyfingarinnar. En það má vera að hægt verði að gera eitthvað úr Sósíalistaflokknum að undagenginni hreingerningu þar. En VG, sem átti víst að vera merkisberi sósíalismans á Íslandi, er algjörlega búið að vera og á sér ekki viðreisnar von.

Enginn skerpir á áherslum sem ekki eru til

Hvernig ætli Mumu litli í Brúarlandi ætli að skerpa á áherslum sem ekki eru til? Eða hvaða áherslur heldur drengkjökrið að hið dauðvona VG hafi? Gerir hann sér ekki grein fyrir að leið VG liggur aðeins á líknardeildina og þaðan á sorphauginn? Hvort ætli það verði Stenngrimur eða Álfheiður sem fær að fara með líkræðuna yfir hræinu? Og hverjir fá þann heiður að bera tunnuna með hinum látna í út að haugnum? Ég spái því að Kata, Mumu, Árni Þór og Jólatréð verði tunnuberar. En þetta verður hátíðlega athöfn, á sína vísu. Og hlálega grátbrosleg.

Og Mumu getur sem best sparað sér allar vangaveltur um hvort hann eigi að bjóða sig fram til áframhaldandi formannsetu í haust. Fyrir það fyrsta hefir Flokkseigendafélagið engann áhuga á honum til eins eða annars, og svo hitt, að engin þörf er fyrir formann yfir dauðu óheilindahræi, því þókt svo illa muni vilja til að VG hjari fram á kjördag næstu alþingiskosninga, þá verður það líka langsíðasti dagurinn í lífi þessarar vansköpuðu vanmetaskepnu sem VG varð fljótlega eftir fæðingu þess.

En Mumu, Álfheiður, Jólatréð og Swandeesý geta gert eitt, ásamt með Stenngrimi, en það er að fara á námskeið í að læra að skammast sín. Eftir það geta þau gengið í Hjálpræðisherinn eða Fornbílaklúbbinn. En eitt er víst, að þegar VG er dautt og grafið, þá mun því reynast erfitt að ganga aftur, en að sama skapi mun dýrinu ekki verða erfiður dauðinn þar eð engar líkur eru á að þessi ólánsfénaður hafi átt nokkra huldumey til að svíkja.  

Guðmundur Ingi: „Þetta er áhyggjuefni“

Grínandi flokkseigandi talar í kansellístíl um dauðastríð flokks

Hún er aldeilis gamansamur kvenmaður hún Swandeesý okkar hérna Swavarsdóttir. Hún meira að segja hálf-viðurkennir að VG, sem hún, vel að merkja, stofnaði ekki en hertók engu að síður með vondu fólki, þurfi að ,,hugsa sinn gang". Í stuttu viðtali við málgagn sitt, mbl.is, veður þessi krónprinsessa gamla Flokkseigendafélagsins hvað eftir annað upp með spaug og grín, svo við liggur að lesendur veltist um af hlátri, ekki síst Sjálfstæðismenn og Samherjar.

Til að mynda segi kerla, eins og ekkert sé, að ,,stjórnaflokkur sem er í þessari stöðu (3,5%) þurfi að íhuga erindi sitt og kjarna. Nú er það svo að kjarni VG er ekki til, hann er löngu farinn, og hafi erindi VG raunverulega verið eitthvað í upphafi þá skolaðist það fljótlega í burtu, ja, nema lygilega, öfgafengin ríkisstjórnarsótt hinna ofurborgaralegu flokkeigenda, sem bókstaflega voru farin að grénja af ríkisstjórnarþátttökufrygð um það bil sem árið 2004 rann í garð og hafa verið við það heygarðshornið síðan. Það virðist ekki hvarfla að grínkérlunni Swandeesý að VG leiknum sé lokið og hvorki hún, sem poletikus, né VG eigi sér viðreisnar von, að dæmið sé endanlega búið og hið litla traust sem eftir var sé með öllu upp urið.

Því kemur frasinn um að ,,flokkurinn (ef flokk skyldi kalla) þurfi að skerpa rödd sína". Það má svo sem vel vera að kaldhæðnar persónur freistist til að kalla brostnar dauðahryglur rödd eða raddir. En flestum mun líklega þykja bæði óviðfelldið og óhugnanlegt að þurfa að hlusta á þessháttar óp og öskur. Af þeim sökum væri réttast fyrir Swandeesý og hennar undanrennufénað að láta við svo búið standa og hætta öllu dauðateygjubrölti og leggja VG tafarlaust niður. Það er til dæmis mjög vafasamt að henni og Mumu í Brúarlandi takist að nudda saman fólki á flokksráðsfund í næsta mánuði og á landsfund í október; sannast sagna er mjög óraunhæft að ætla að fleiri sjö til átta manns muni eyða tíma sínum í að mæta á fyrrnefnda fundi. Þegar ýmsir þeirra fáu sem enn eru eftir í VG eru inntir eftir flokknum og forustu hans verður þeim tíðrætt um aumingja og óhræsi, ómerkinga og drullusvað. Já, það er nú það - og það er ekkert grín.   

Svandís: VG þarf að hugsa sinn gang