Tvisvar á ævinni veður gamall skunkur ungur

Í annað sinn á ævinni hefir Kjartan Gunnarsson, helsti skrifstofumógúll og sjakali Sjálfstæðisflokksins, gjörst ungur maður. Í hið fyrra sinni er Kjartan var ungur var hann fermdur og færður Sjálfstæðisflokknum til eignar, en í síðara sinnið fékk hann kastað ellihamnum og varð þegar í stað æskulýðsmaður og ungtyrki í SÚS, Sambandi ungra sjálfstæðismanna. Nú er hann nýkjörinn stjórnar maður í SÚSinu og hefir það hlutverk að skenkja öðrum stjórnarmönnum í glösin á meðan á fundi stendur.

Færri vita samt um farsælt samstarf Kjartans við þá Kolbeins Kolbeinsson skrifstofustjóra og framsóknarmann og Brynjar Vondulykt. Kolbeinn var að sönnu aldrei í félagi ungra Sjálfstæðisflokksdrengja, en Brynjar var að sjálfsögðu í Heimdalli, Varðbergi og í SÚS gekk hann undir þeim aðlaðandi heiðurstitli: ,,elskhuginn", vega óseðjandi áhuga sína á ástarsamböndum, helst stuttum, jafnvel örstuttum. Einn af þingmönnum Flokksins gerði þessa áráttu Brynjars og nafngiftina ,,elskhuginn" að umtalsefni á þingflokksfundi og fordæmdi hann fyrir ósiðlegheit og hamslausa kynferðishegðan, sem hann sagði til þess eins fallna að koma óorði á Flokkinn og læða því inn í huga landsmanna, að Sjálfstæðisflokkurinn, þessi heiðvirðu samtök nýfrjálshyggjumanna og yfirstéttarkvenna, væri einhverskonar sóðalegur og myrkur afkimi öfugugga og glæpamanna.

En hvernig stendur á því að Kjartan Gunnarsson hefir gengið eins og ekkert sé í endurnýjun lífdaga og orðið unglingur aftur, þvert ofan í lögmál náttúrunnar og Guðs Almáttugs? Jú, honum var gefið inn yngingarmeðal í stórum skömmtum, allt þar til hann stóð á þambi og ekki deginum eldri en fimmtán ára. Og með alla þá reynslu og péníngaráð sem slíkur maður, eða öllu heldur ungdrengur, hefir í farteski sínu, var hann kjörinn manna fyrstur í stjórn SÚS á síðasta þingi ungliðaæsku Flokksins og hellir nú samviskusamlega upp á blessuð börnin á stjórnarfundum og kemur þannig í veg fyrir að þau fari villur vega og aki hugsjónum sínum eins og ryðguðum fornaldarskrjóði út í næsta pólitíska skurðinn sem á ógreiðfærri leið þeirra verður.   

SUS-þing breyttist í afmælisveislu Kjartans Gunnarssonar