Kvikuprinsessan þjónustar auðvaldið af stílíséruðu krataeðli

Skjaldan hefir íslensku samfélagi áskotnast annar eins hvalreki og Kvikubankaprinsessan Kristrún Frostadóttir í formannstóla Samfylkingar og forsætisráðuneytis, nema ef vera skyldi dáindisfagurt samstarf sömu Kristrúnar í ríkisstjórn með henni Thorgerði Katrínu frá 7hægri. Þær frænkur í krataeðlinu og auðvaldinu haf síðustu mánuði gjört garðinn frægan með hlálegum tiltektum á sviði stríðsláta og herskárrar hægristefnu á vesturlöndum. Hefir atgangurinn í þeim minnt á fátt annað en frægan herleiðangur Donkíkóta, utan hvað svæsin eyðsla þeirra af almannafé í heimsvaldastríðsrekstur óðra blóðhunda NATO, ESB og USA hefir vakið hneykslan og sorg meðal allra almennilegra Íslendinga.

Og í morgun fór Kvikubankaprinsessan Kristrún, árla mjög, til fundar við ýmis stertimenni og merkikerti auðvaldsins á Íslandi, þeirra erinda að skipa fimm manns í ,,nýtt atvinnustefnuráð". Er þar skemmst frá að segja,að meirihluti ráðsins eru útlenskir fulltrúar erlendra auðvaldsfélaga en minnihlutinn, tveir að tölu, eru síðan íslenskir labbakútar og minnipokamenn. Hvað ríkisstjórn Kvikubanka fínimannafólksins og 7hægri ætla að eyða af sameiginlegum fjármunum almennings í þennan ófögnuð er ómögulegt að vita, en gera má ráð fyrir að jafna gullbryddaður mannskapur og þar er tilsettur taki sér rífleg laun fyrir ekki neitt; að minnsta kosti láta þau sér ekki nægja laun sem undirmálslýður og jaðarsettir niðursetningshópar verða að láta sér duga til að kaupa sér dauðann úr krákuskel fyrir.

En Kristrún Frostadóttir er mikill og stíliséraður Samfylkingarjafningur og verðugur fulltrúi krataeðlisins. En krataeðlisstefnan er sú stjórnmálastefna sem frægust hefir orðið í heiminum fyrir undirlægjuhátt við auðvald, hræsni, fals, minnimáttarkennd og væmið lýðskrum. Helsti andstæðingur óvinur krataeðlis eru sósíalistar, stundum kallaðir kommúnistar, en í þeim efnum hafa íslenskir kratalingar verið framarlega í flokki í heiminum, því þetta eru undirförul lítilmenni sem leggja mikla áherslu á að þykjast vera eitthvað annað en þau eru í raun og veru. Og sjálft Íhaldið er hátíð með jólum og hangiketi við hliðina á Samfylkingunni í krataeðlisforardíkinu.    

Kristrún skipar fimm í nýtt ráð