Auðvalds,,háskólann" í Reykjavík ber að leggja niður, - tafarlaust

Það er gjörsamlega makalaust að þessi svokallaði ,,Háskóli í Reykjavík" skuli vera enn við lýði og enn undarlega að þetta auðvaldsskrímsli sé að flytja inn í nýja milljarðabyggingu með tilgangsleysi sitt og rugl. Ef hið sóðalega íslenska auðvald vill endilega reka ,,háskóla" þá skal það gera það algjörlega á eigin reikning, en ekki með skattpeningum almennings, en eins og kunnugt er rekur auðvaldið nokkra skóla hér á landi, suma hverja algjörlega óþarfa, á kostnað skattgreienda, en ríkið borgar langstærstan þessarar furðulegu ævintýramennsku.

Við gerð næstu fjárlaga verður ríkisstjórnin að taka harkalega á ofangreindu vandamáli með því að leggja ekki eina einustu krónu til ,,einkaskólanna" svonefndu. Ef auðvaldið getur ekki rekið ,,einkaskólana" sína sjálft, á ríkið að yfirtaka stafsemi þeirra, reka áfram það sem þörf er á en varpa óþarfanum fyrir róða. Sýni ríkisstjórnin enga viðleitni í þessa átt, er allt tal um nauðsyn þess að skera niður ríkisútgjöld vegna kreppu marklaus þvættingur stórlygara og fáráðlinga.

Gengu fylktu liði til Nauthólsvíkur

Athugasemdir

[Jón Snæbjörnsson, 11.1.2010 kl. 14:37]

ansk ertu reiður Jóhannes - ég set nú frekar út á staðsetningu þessa skóla þe á útivistarstað Reykvíkinga - döpur hagfræði það

[Andri, 11.1.2010 kl. 14:40]

Þetta er nú meiri þvælan í þér.... Ég held þú sért einmitt að horfa gjörsamlega kolröngum augum á þetta - er það ekki einmitt VEGNA ÞESS að ríkið hefur ekki sýnt það undan farin ár, og sennilega áratugi, að það getur ekki rekið nógu öfluga háskóla til að bæði ná að mæta eftirspurn né uppfylla kröfur nemenda. T.d. með fáránlegum biðlistum inn í ýmist nám sem er út í hött að sé ekki hægt að komast í hvenær sem er eins og t.d. kennaranám.

Það er líka ótrúlegt að ríkið (Menntamálaráðuneytið) skuli ekki enn vera farið að drattast til að þora rukka skólagjöld inn í háskólana sína - það er náttúrulega bara út í hött. Og ef það ætti að hætta að borga með nemendum í einkaskólunum, þá finnst mér erfitt að sjá réttlætið í því að ég sem nemandi við HR og skattgreiðandi í þessu þjóðfélagi fengi ekki jafnmikið greitt með náminu mínu og þeir sem velja að fara í gegnum ríkisskólana og borga nánast ekki neitt fyrir / á móti. Það væri fyrst rugl.

Þegar ég lýk námi hef ég borgað með beinum hætti rúmlega milljón í skólagjöld. Á sama tíma hefur nemandi í HÍ borgað ca. 1/4 af því í svokölluð skráningargjöld. Er það eðlilegt?

Ég er amk ósammála þér. Og mér finnst ómaklegt af þér að tala niður til HR með því t.d. að segja "svokallaði Háskóli í Reykjavík" - það vottar af einhverri minnimáttarkennd. Ekki gleyma því að á bakvið þessa skóla er fólk, bæði nemendur og kennarar, sem upp til hópa eru að vinna gott starf og sækja sér menntun og þekkingu sem er okkar einangraða afskekkta samfélagi gríðarlega mikilvæg.

[Jóhannes Ragnarsson, 11.1.2010 kl. 15:35]

Ríkið getur vel rekið allt skólakerfið án þess að blanda einhverjum auðvaldshrossum inní það mál. Ef aðvaldið vill reka skóla þá á það að borga hverja einustu krónu sjálft í það skólahald.

Skólagjöld eiga aldrei að þekkjast í ríkisskólum, slíkt er einfaldlega ónáttúra, ef ekki eitthvað þaðan af verra. 

Nú, það er svo sem almælt, að þessi svokallaði ,,Háskóli í Reykjavík" sé innihaldslaust prump, feik og plat og þaðan útskrifist ómenntað prófgráðufólk með pungapróf í nokkrum fögum. Sem sé: Frá HR og Bifröst komi í stórum slumpum fólk sem kallað er ,,skaðmenntað" og endi gjarnan sem rukkarar eða á atvinnuleysisbótum.

[Andri, 11.1.2010 kl. 15:44]

Ég nenni ekki að eyða meiri tíma og orku í þig.

http://www.youtube.com/watch?v=aYpuf-J8Gx0

[Jóhannes Ragnarsson, 11.1.2010 kl. 15:52]

Ég nenni heldur ekki að eyða púðri á drauga sem ekki þora að skrifa undir réttu nafni, jafnvel þótt þeir séu í pungaprófsháskólanum í Reykjavík.

[Ingibjörg Friðriksdóttir, 11.1.2010 kl. 16:01]

Ekki hefur farsælt fylgt HR enda skóli fyrir gróðahyggju andskotans.

[Ingibjörg Friðriksdóttir, 11.1.2010 kl. 16:01]

Meinti farsæld

[Jóhannes Ragnarsson, 11.1.2010 kl. 20:32]

Ætli væri ekki hentugt að setja upp hausaþurkunarverkun í húsakynnunum sem gróðasóttargemlingar andskotans ætla að nota til ,,háskólahalds?"

[Sveinn Elías Hansson, 11.1.2010 kl. 20:44]

Það er alkunna að auðvaldshyskið getur ekki rekið nokkurn einasta skóla, banka eða ymislegt annað, án HJÁLPAR frá ríkinu.

Þess vegna ber að leggja þessa svokölluðu einkaskóla niður nú þegar, enda eru þeir að miklu leiti ríkisreknir.

Ég ætti kanski að setja upp innréttingaverkstæði og fara fram á að ríkið styrkti framleiðsluna.

[Níels A. Ársælsson., 11.1.2010 kl. 21:30]

Ha ha ha ha ha ......pungaprófsháskólanum í Reykjavík ...........

"Ætli væri ekki hentugt að setja upp hausaþurkunarverkun í húsakynnunum sem gróðasóttargemlingar andskotans"

Ha ha ha ha.... mikið svakalega er þetta skemmtileg færsla...he he he....

Hvað svo með tónlistarhöllina ?

Hún væri frábær undir síldarbræðslu ríkisins !

Endurvekjum gamla SR-mjöl sem Samherja hf, viðbjóðurinn stal og eyðilagði í einu æðis og brjálæðiskastinu með fullthingi "Þyrlu-Magga" þeirra Vestmannaeyinga !

[Anna Sigríður Guðmundsdóttir, 12.1.2010 kl. 17:03]

Háskóli já? Hvar er háskóli lísreynslu og verks-kunnáttu? Hvar á Íslandi er slík þekking viðurkennd og metin? Held því miður að sá skóli sé ekki á ská vegna þess að þeir sem ekki týndu hyggjuvitinu í háskóla eru ekki viðurkenndir í heimspólitíkinni. Bara taldir óttalegir ó-artar-gemlingar sem ekki vildu láta skipta um prógramm í heilanum á sér og þá væru þau með hindrunarlausan aðgang að góðum stöðum og vellystingum. Verkamennirnir borga svo launin þeirra á meðan þeir klúðra öllu í valdastólum. Víkingalegt eða menningarlegt?

Sem betur fer er til fullt af fólki á Íslandi sem ekki hefur gefið veiðileyfi á heilastarfsemina sína þótt þeir hafi menntað sig til gagns fyrir þjóðfélagið. Tek ofan fyrir því fólki.

Það var víst akkúrat það sem við þurftum núna eða hitt þó heldur, að búa til skoðanir í ungt og saklaust fólk með fleiri háskólum!

Sorglegt að sjá hvernig farið var með ökjuhlíðina sem var fjölskylduvæn náttúruparadís með hjóla-brekku-svæði fyrir orkumikla krakka. Svo kom ég þarna og sá að búið var að fjarlægja þessa paradís þeirra. Svona er réttur barna lítill í þessu landi. Börnin og náttúran var einskis metin hjá stjórnendum sem tóku ákvörðun um þennan óþarfaskóla.

Öllu hefur verið stjórnað af skóla-snobb-peninga-gráðugum og siðblindum pólitíkusum á fyrri árum með hörmulegum afleiðingum. M.b.kv. Anna 

[Jóhannes Ragnarsson, 12.1.2010 kl. 18:33]

,,Sem betur fer er til fullt af fólki á Íslandi sem ekki hefur gefið veiðileyfi á heilastarfsemina sína þótt þeir hafi menntað sig til gagns fyrir þjóðfélagið. Tek ofan fyrir því fólki."

,,Öllu hefur verið stjórnað af skóla-snobb-peninga-gráðugum og siðblindum pólitíkusum á fyrri árum með hörmulegum afleiðingum."

Að mínu mati er mikill sannleikur í ofangreindum málsgreinum Önnu Sigríðar Guðmundsdóttur.

[Jón Snæbjörnsson, 13.1.2010 kl. 11:59]

anskoti verða þeir reiðir þarna í fyrrverandi útivistarreit Reykvíkinga sem og annarra ferðamann - ég verð þó að lýsa undrun minni á þessum sérfræðingum í HR - fyrsti dagur þá kemur á bátinn að þeir geti ekki borgað leiguna fyrir afnot af húsnæðinu ? hvaða Exel gaur sá um þetta ? doldið flott ha svona 2007 andi enn ríkjandi í hlíðinni ;)