Frú Ingveldur harðneitaði fyrir rétti

Eins og við var að búast, harðneitaði frú Ingveldur fyrir rétti að hafa skitið á stéttina fyrir dyrum nágranna sinna aðfaranótt 16. ágúst 2008. Að vísu viðurkenndi hún með ánægju, að henni væri í nöp við umrædda nágranna, en að sjálfsögðu myndi henni aldrei detta í hug að fórna mannorði sínu góðu við jafn lítlmótlega iðju sem þá að ganga örna sinna fast uppvið útidyrahurð drullusokka og aumingja. Hinsvegar kvaðst frú Ingveldur þeirrar skoðunar, að nágrannar sínir væru fullfærir um að hafa unnið það verk sem hún væri grunuð um. Og meir en það: Hún hafði sjálf séð með sínum eigin augum þegar nágrannakonan lét frá sér óþrifnaðinn á stéttina.

Eftir réttarhaldið skipaði frú Ingveldur Kolbeini Kolbeinssyni eiginmanni sínum að fara á stundinni yfrum til nágrannahjónanna og lúberja þau. Væddur lurki hljóp Kolbeinn af stað til að uppfylla bón konu sinnar. Á gangstéttinni milli húsa lenti Kolbeinn í hörðum árekstri við konu á reiðhjóli með þeim afleiðingum að hjólreiðarkonan féll í götuna og rotaðist, en hann sjálfur kastaðist útá götu og varð fyrir bifreið sem kom þar aðvífandi.    

Yfirheyrðir fram yfir miðnætti

Athugasemdir

[Sveinn Elías Hansson, 30.1.2010 kl. 00:13]

Þessir menn eru örugglega allir saklausir.

[Ágúst Valves Jóhannesson (IP-tala skráð) 30.1.2010 kl. 00:28]

Markús Máni Michaelsson er fyrrverandi "strákurinn okkar". Hann var einu sinni áður en hann hóf að vera svindlari góður handboltamaður og var rétthend stórskytta. 

[Sveinn Elías Hansson, 30.1.2010 kl. 00:35]

Hann sagðist hafa hætt í boltanum vegna þess að það væru svo góð laun í bönkunum.Svo fór fyrir honum eins og svo mörgum bankamanninum. Græðgin heimsótti hann.

Í steininn með kvikindið.

[Jóhannes Ragnarsson, 30.1.2010 kl. 00:43]

Ég þarf að fá greinargóðan ættfræðing til að kanna hvort ekki séu náin frænsemistengsl á milli straumsstrákana og frú Ingveldar.