Barnaverndarnefnd sigað á sjálfstæðan Íslending

Blessaður drengurinn, sem þaut eins og eldibrandur og bara 13 ára um götur Keflavíkur á heimilisbílnum, er fagurt dæmi um sjálfstæðan Íslending. Má mikið vera ef þar er ekki á ferð sérstakur efnispiltur, sem á eftir að láta að sér kveða þegar fram líða stundir. Uppí hugann kemur ekki minni maður en Egill Skallagrímsson á Borg þegar hann smásveinn að aldri tók eykhest einn í óleyfi er Skalla-Grímur átti og reið eftir föður sínum til Álftaness, en þangað hafi Skalla-Grími verið boðið til drykkjveislu mikillar. En áður hafði Skalla-Grímur bannað Agli syni sínum ferðarinnar á Álftanes með þeim orðum, að hann kynni ekki fyrir sér í fjölmenni, þar er drykkjur væru miklar, ,,er þú þykir ekki góður viðskiptis, að þú sért ódrukkinn"

Nú berast þær fréttir sunnan úr Keflavík, að lögreglan hafi ekki látið þar við sitja, að stöðva hinn 13 ára sjálfstæða Íslending og fært hann undan stýri, heldur hafi hún bætt gráu ofaná svart með því að siga barnaverndarnefnd á drenginn. En sem kunnugt er fer allt ævinlega í hund og kött þegar barnaverndarnefnd kemst í málefni ungmenna. Sem betur fer höfðu barnaverndarnefndir ekki verið fundnar upp þá Egill Skallagrímsson var á dögum því ef svo hefði verið hefði annaðhvort engin Egilssaga verið skrifuð ellegar Egill hefði gert sér hægt um vik og vegið alla barnaverndarnefndina með öxi förur síns. 

13 ára á heimilisbílnum

Athugasemdir

[Frank og Mia, 14.2.2010 kl. 09:56]

Öll afskipti lögreglu af börnum undir lögaldri þarf að tilkynna til barnaverndarnefndar.

[Sigurður Haraldsson, 14.2.2010 kl. 13:58]

Lögreglan getur verið í vondum málum ef barnaverndunaryfirvöld eru ekki sett í málið.

[Einar B Bragason , 14.2.2010 kl. 19:43]

Vonum bara að hér sé ekki endur borin Egill,  vegna barnaverndarnefndar, enda fjúka þá væntanlega hausar og limir, nema þá engin sé föður öxinn. Lifi ungdómurinn!

[Helgi Hrafn Gunnarsson (IP-tala skráð) 14.2.2010 kl. 20:34]

Skarplega athugað!

[Aron Ingi Eiðsson Mörköre, 14.2.2010 kl. 21:35]

hahah það er bara snild að rúnta um á bílnum hennar mömmu