Bölvaður viðbjóður er þetta

Það ber Akureyringum ófagurt vitni, að á Akureyri skuli fyrirfinnast 1165 einstaklingar með svo lága siðferðisgreind að kjósa í prófkjöri Sjálfstæðisflokksnins. Fólk sem svertir mannorð sitt með slíkum hætti er ekki aðeins sjálfu sér til skammar, heldur kemur það óorði á sveitarfélag sitt. Um þá sem gefa kost á sér í prófkjörum Sjálfstæðisflokksins er best að hafa sem fæst orð; auðnuleysi og andleg fátækt er þeirra hlutskipti.

Ef Akureyringar hafa hug á að verða teknir alvarlega í framtíðinni, eiga þeir um fátt annað að velja en að bregðast skjótt við og af festu, og reka hina 1165 óþrifagemlinga, sem kusu í prófkjöri Sjálfstæðisflokksins, á fjöll, allar götur inn í Þjófadali og sjá svo um að þaðan eigi þeir ekki afturkvæmt til Akureyrar. Og ekki skulu þjóðþrifasinnaðir og velmeinandi norðanmenn spara hunda sína og svipur við reksturinn því annars er hætt við að illþýðið taki uppá að beita sínum eðlislægu græðgisbrögðum og hlaupi útundan sér.  

Öruggur sigur Sigrúnar

Athugasemdir

[Sveinn Elías Hansson, 13.2.2010 kl. 23:32]

Ég er farinn að halda að þér sé eitthvað virkilega illa við sjálfstæðismenn.

Það get ég ekki skilið eins miklir öðlingar og velgjörðarmenn þeir eru við vini sína, eins og dæmið með Gunnar kópavogsdrunu sýnir.

[Jóhannes Ragnarsson, 13.2.2010 kl. 23:39]

Illa við sjálfstæðismenn? Ónei, aldeilis ekki. Það verður bara að halda þeim í skefjum því þeir eru hættulegri en börn með eldspýtur og bensín í pappírsgeymslu. Þessvegna er nauðsynlegt að vista þá, alla sem einn, í Þjófadölum.

[Ingvar Pálsson, 14.2.2010 kl. 10:54]

Ja nú þykir týra á tíkarskottinu..... sumir ættu nú að líta sér nær. Við Akureyringar sem tókum þátt í prófkjöri Sjálfstæðismanna í gær erum bara venjulegt fólk með vænntingar um betri tíð og blóm í haga,og þetta orðaval sem þú notar hittir bara þig sjálfan og engan annan þú hlítur að hafa setið fyrir framan spegil þegar þú lést þennan ósóma frá þér,þú ættir bara að skammast þín.................... 

[Halldór Halldórsson, 14.2.2010 kl. 11:12]

Þú ert alveg sami bölvaði viðbjóðurinn og alltaf, Jóhannes.  Það breytist aldrei!

[Stefán Stefánsson, 14.2.2010 kl. 11:20]

Þetta er alveg snilldarfærsla hjá þér Jóhannes og fær mann til að hlæja.

[Sveinn Elías Hansson, 14.2.2010 kl. 11:46]

Ósköp fre þetta fyrir brjóstið á akureyringnum.

En svona er þetta alltaf. Sannleikanum verður hver sárreiðastur.

[Jóhannes Ragnarsson, 14.2.2010 kl. 13:48]

Ég þykist ráða af skrifum akureyrska sjálfstæðismannsins, Ingvars Pálssonar, að honum hrjósi hugur við að verða rekin uppí Þjófadali til langvarandi vistar. Það þýðir náttúrulega ekkert fyrir Ingvar að bera því við að hann sé bara venjulegur maður, þar sem það er löngu sannað að sjálfstæðismenn eru ekki venjulegt fólk. Þar fauk sú röksemd Ingvars á haf út.

Þá verð ég að hryggja Ingvar sjálfstæðismann með því, að orðaval mitt í skrifum mínum um Sjálfstæðisflokkinn hittir sjálfan mig alls ekki fyrir. Og enn síður hvarflar að mér að skammast mín fyrir skrifin. Hinsvegar ætti Ingvar að blygðast sín opinberlega með grátanda tári fyrir að hafa kosið í prófkjörinu hjá íhaldssamherjunum á Akureyri.

Halldóri Halldórssyni þakka ég innilega fyrir hans skorinorðu athugasemd hér fyrir ofan.

[Hafsteinn Viðar Ásgeirsson, 14.2.2010 kl. 13:52]

...góður!

[Frelsisson (IP-tala skráð) 14.2.2010 kl. 18:39]

finnst pistlar þínar alltar hálf kjánalegir og barnalegir... velti því stundum fyrir mér hvort þetta sé raunveruleg mynd af þér?

[Frelsisson (IP-tala skráð) 14.2.2010 kl. 18:40]

finnst pistlar þínar alltaf hálf barnalegir... svona eins og 12-15 ára... velti því stundum fyrir mér hvort þetta sé raunveruleg mynd af þér?

[Jóhannes Ragnarsson, 14.2.2010 kl. 18:55]

Við hvern ert þú að tala Frelsisson?

[Adda Þorbjörg Sigurjónsdóttir, 14.2.2010 kl. 19:52]

Ótrúlega ómálefnalegur Jóhannes. Það hljóta að leyfast fleiri stjórnmálaskoðanir en þínar. Þykist þú eitthvað betri menneskja en Sigrún? Sigrún er vel af sigrinum komin. Ég óska henni heilshugar til hamingju.

[Jóhannes Ragnarsson, 14.2.2010 kl. 20:13]

Því miður leyfast fleiri stjórnmálaskoðanir en mínar. Þar liggur hundurinn grafinn.

Svo get ég sagt þér, Adda Þorbjörg, að ég þykist ekki vera betri manneskja en Sigrún, ég er betri manneskja en hún.

[Sveinn Elías Hansson, 14.2.2010 kl. 20:37]

Og hafðu það Adda Þorbjörg, og reyndu að hlusta á þér betri og skynsamari menn.

[Hulda Haraldsdóttir, 17.2.2010 kl. 15:03]

Ég get ekki annað en tekið undir orð Öddu hér að ofan, ég er hvorki sjálfstæðismaður né þekki neitt til fyrrnefndar Sigrúnar, en mér finnst yfirlýsing eins og þú skvettir fram með því að lýsa því yfir að þú sért betri manneskja en hún, bera vott um dómgreindarskort og hroka og ekki vera málefni þínu til framdráttar.