Dularfullur fiskur kveður sér hljóðs

Satt að segja læt ég mér í léttu rúmi liggja þó götustrákar hafi lagt eld að fiskikörum úr plasti uppvið einhvern vegg í Sandgerði; þessháttar er sígild atvinna götustráka. Hinsvegar þykir mér meira til koma, að fyrirtæki það er umræddur veggur heyrir til skuli heita ,,Skinnfiskur." Leikur mér forvitni á að vita hvaða endemis skepna þessi ,,skinnfiskur" er sem fyrirtækið heitir eftir. Veit ég vel að fiskar heita hinum undarlegustu nöfnum, svo sem marhnútur, lúsífer, þrömmungur, hveljusogfiskur, en ,,skinnfisk" hefi ég aldrei heyrt nefndan fyrr. Mikið yrði ég þakklátur, ef einhver fróður maður gæti upplýst mig nánar um þennan ,,skinnfisk" ef hann á annað borð er til. Mér dettur í hug, að umræddur fiskur hafi skinn utanum sig en ekki roð, þykka leðurhúð álíka og svín hafa á sínum kroppi. Þá væri ágætt að fá vitneskju um hvar ,,skinnfiskurinn" hrygnir, hvort hann sé góður matfiskur og hvar hann heldur sig utan hryggningartíma. 

Grunur um íkveikju í Sandgerði

Athugasemdir

[Sveinn Elías Hansson, 14.2.2010 kl. 12:19]

Ég held að þessi fiskur sé ekki til.

En á vegum þessa fyrirtækis fari fram þvætti á illa fengnu fé FL-okksins.

Skinn bendir á veskið hjá þessu liði sem er yfirfullt af ránsfengnum, og fiskur segir til um það hvaðan féð kemur.

En ef þessi fiskur er til,þá held ég að útlit hans minni einna helst á Hannes Hólmstein.

[Hrólfur Þ Hraundal, 14.2.2010 kl. 12:36]

Já kúnstug skepna.  Skyldi hún vera mjúk húðuð og vöxuð sem konur eru nútildags neðan mittis?

Hvernig er það annars með hafmeyjar, eru þær ekki hárlausar þarna, eða eru þær kanski hreistraðar? 

Þetta gæti svo sem verið besta skin, en þau eiga nú ekki upp á pallborðið nú um mundir. 

Svo eru það svona húðir eins og voru á kjömmum Arafats heitnum, sem svo lentu allt í einu framan í Steingrími öllum að óvörum. 

Já úfhárug er þetta ekki geðsleg sképna og sjálfsagt stór hættuleg.