Þegar yfirvaldið birtist í lúðrasveitarbúningnum

Það verður eflaust gáll á herra stjörnusýslumanninum Stones þegar hann heilsar uppá drjólana sem plötuðu Skotana uppá Langjökul rétt áður en manndrápsveður skall þar á. Ég sé yfirvald Árnesinga fyrir mér, íklæddan lúðrasveitarbúningi sínum, grípa í hnakkadrambið á ódámunum og hrista þá þangað til allt er komið í buxurnar hjá þeim sem í buxurnar getur farið undir þessháttar kringumstæðum. Og eflaust mun yfirvaldið ekki láta undir höfuð leggjast að flengja ferðamálafrömuðina á vélsleðaleigunni svo rækilega á nauðaber rassgötin, að þeir gleymi aldrei að eilífu vélsleðaleigunni sinni og Langjökli.

Já, þeir eru heppnir, svo ekki sé fastar kveðið að orði, þarna í Árnessýslu að eiga framúrskarandi stjörnusýslumann sem kann að halda uppi alsherjarreglu og góðum skikk í umdæmi sínu. 

Sýslumaður rannsakar

Athugasemdir

[Óskar Helgi Helgason (IP-tala skráð) 15.2.2010 kl. 22:33]

Heill og sæll Jóhannes; æfinlega !

O; jæja. Læt ég nú vera.

Mér skilst; eftir þeim Vestfirðingum, frændum mínum, að þeir fagni enn, brottför Ólafs Helga, úr fjórðungi þeirra, á sínum tíma, en, Sunnlendingar - það er; Árnesinga hlutinn, sveitungar mínir - nær; sem og fjær,  virðast bugta sig og beygja, fyrir þessum pilti, flestir; þó ég, Kveldúlfs afkomandi, og þeirra Valgarðar hins gráa (föður Marðar), geri mér nú ekkert títt um hann, svo sem - þér; að segja.

Hins vegar; þurfa Borgfirðingar - Húnvetningar og Árnesingar, að vinda bráðan bug, að einhvers konar gæzlu, eða umsjón, með hinum mikilúðlega Langjökli, engu að síður, þá fram í sækir, ekki hvað sízt, gagnvart ýmsum þéttbýlisstaða búa, í beztu meiningu sagt, að sjálfsögðu.

Með beztu kveðjum; út undir Enni vestur /

Óskar Helgi Helgason   

[Sveinn Elías Hansson, 15.2.2010 kl. 22:34]

 Stendur ekki til að fækka sýslumannsembættum?

Ég legg til að þau verði 1 á landinu, og að sjálfsögðu á hinn stótrvaxni stónsaðdáandi stjörnusýslumaður Ólafur Helgi að hljóta starfið. ÁN AUGLÝSINGA