Espa upp undirliggjandi ástandsfíkn

Það er laglegt uppátæki, eða hitt þá heldur, hjá hinum stórþýsku dátum að gera tilraun til að espa upp undirliggjandi ástandsfíkn íslenskra kvenna. Mikið má vera, ef þessir bölvaðir stríðsungar, afkomendur herja Adólfs sáluga, hafi ekki heyrt lífgandi kviksögur af meintu ástandi á Íslandi í seinna stríðinu þegar Reykjavík fylltist bókstaflega af ljóngröðum hermönnum, fyrst breskum svo amrískum. Þennan ósvífna orðróm hafa þeir þýsku ætlað að sannreyna með dreifibréfi til ungra íslenskra kvenna í þeirri von að þær séu í engu eftirbátar formæðra sinna og þurfi lítið til að tendra í lærum þeirra uppfuðrandi ástandsins lostabál.

En sem betur fer tókst gömlum mömmum að grípa inní atburðarásina í tæka tíð og siga lögreglunni á kynóðu soldátana frá Þýskalandi.  

Partí sjóliða stöðvað