Góð frétt, sem hefði getað verið mjög slæm

Ég skal fúslega viðurkenna að mér brá ónotalega þegar ég sá fyrirsögnina ,,Líkið reis upp" því ég hélt í fljótu bragði að fréttin, sem fylgdi fyrirsögninni, greindi frá því að Framsóknarmaddaman sáluga hefði risið upp frá dauða, eða að minnsta kosti farin að ganga aftur eins og Þorgeirsboli. Ekki datt mér þó til hugar að upprisa Maddömunnar væri af sama leveli og upprisa Frelsarans fyrir hart nær 2000 árum, en sem kunnugt er á Framsóknarmaddaman engan föður á hymmnum en þeim mun fleiri frændur og vini í hinum staðnum.

En ef sú gamla úr Framsóknarfjósinu færi að ganga aftur ljósum logum með húðina af sér í eftirdragi væri sannarlega vá fyrir dyrum því hún myndi eflaust koma víða við og valda ógn og eyðingu.

En sem betur fer fjallaði fréttin atarna ekki um draugagang af völdum Halldórs Ásgrímssonar og Finns Ingólfssonar heldur um upprisu hálffimmtugrar kellingar vestur í Kólumbíu, sem lognaðist sennilega útaf eftir galsafengna kókaíninntöku, en valdhafar handan móðunnar miklu munu hafa hafnað þegar til kom, þannig að hún rankaði við sér hérna megin grafar.

Líkið reis upp

Athugasemdir

[Níels A. Ársælsson., 17.2.2010 kl. 23:12]

Ha ha ha ha.....

[Jón Snæbjörnsson, 18.2.2010 kl. 08:09]

hehe góður

[Vendetta, 18.2.2010 kl. 11:04]

Þú staðhæfir sem sagt, að þessi kona þjáist alls ekki af Lazarusheilkenni, heldur hafi stolizt í varning sem ætlaður var bandarískum unglingum?

Ætla þessi glæpsamlegu athæfi columbískra kvenna engan endi að taka?

[Jóhannes Ragnarsson, 18.2.2010 kl. 11:15]

Það var ekkert Lazarus í kerlingaborunni, bara kókaín.

Þessi ósköp taka engann endi.

[Vendetta, 18.2.2010 kl. 11:22]

Annars er ég viss um að Halldór Ásgríms fái makleg málagjöld fyrir glæpi sína: Að reika um milli sveita húðflettur til hálfs, dragandi húðina á eftir sér eins og fyrrnefndi bolakálfur.