Það verður borgarastyrjöld í Kópavogi

Hvern fjandann ætti Gunnar I. Birgisson að vera ansa slorkjaftslýð og rakkarapakki eins og fréttamönnum og öðrum viðlíka eiturpöddum? Við skulum gæta að því að fyrrverandi borgarstjóri Kópavogs er maður vandur að virðingu sinni og ekki uppá það kominn að eiga samskipti við sora mannfélagsins.

Aðför svörtu íhaldsmafíunnar í Kópavogi að Gunnari I. er með slíkum endemum, að ég get ekki séð annað en að ríkisstjórnin blandi sér í þetta háalvarlega mál, strax í fyrramálið, og skipi rannsóknarnefnd til að fara djúpt ofaní saumana á því sem þarna gerðist og leiða fram í dagsbirtuna þann ógeðfellda glæp sem framinn var á Gunnari I. Enn fremur, að þeim sem stóðu að aðförinni verði hengt í samræmi við glæpinn sem þeir frömdu.

Ég geri ráð fyrir að með kvöldinu verði uppþot á stöku stað í Kópavogi útaf árásinni á Gunnar fyrrum borgarstjóra; eldur lagur að húsum, bílum velt á hvolf og lúskrað á stuðningsmönnum Ármanns Kr., sem stundum er kallaður ,,Nonni og Manni" hvernig sem sú nafngift er til komin. Að svo búnu verður að sjálfsögðu almenn borgarastyrjöld í Kópavogi. 

Engin viðbrögð frá Gunnari

Athugasemdir

[Sveinn Elías Hansson, 21.2.2010 kl. 17:53]

Þremenningarnir, Gunnar I, Gunnar Kross og Goldfinger, sitja nú á símafundi, með Gussa gamla og höfðingjanum í neðra, enda er Goldfinger sérstakur umboðsmaður hans hér, og Gunni Kross er umboðsmaður Gussa.

Nú ráða þeir ráðum sínum, og ekki er langt að bíða ákvarðana og síðan framkvæmda.Haldi menn að Gunnar I sé dauður úr öllum æðum, þá skjátlast mönnum hrapalega.

Ég held bara að fólk hafi ekki áttað sig á því hverjir eru nánustu samstarfsmenn Gunnars I.