Kolbeinn bar blóm í frú Ingveldi í dag

Að afloknu velheppnuðu nætursvalli kom Kolbeinn Kolbeinsson við í blómabúð í morgun og keypti blómavönd til að færa eiginkonu sinni, frú Ingveldi, í tilefni konudagsins. Frú Ingveldur tók á móti bónda sínum af fullkominni stillingu og einurð. Fyrst þreif hún blómvöndinn úr lúkunum á Kolbeini og lagði hann til hliðar, svo þreif hún til Kolbeins, reif niðrum hann buxurnar og kaghýddi helvítis kvikindið á bert rassgatið svo sem hann átti skilið. Að lokum tróð hún blómalufsunum uppí túlann á Kolbeini Kolbeinssyni til að lækka í honum grenjurnar og öskrin. Eftir hádegi fór frú Ingveldur á sellufund hjá hægrisinnuðum fémínístum þar sem góður rómur var gerður að afgreiðslu frú Ingveldar á blómakarlinum Kolbeini.

Blóm fyrir elskuna í dag

Athugasemdir

[Sveinn Elías Hansson, 21.2.2010 kl. 19:56]

Já, maður skyldi varast að koma heim með blómvönd á konudag eftir nætursvallið.Þær nefnilega misskilja allt þessar konur.

[Jóhannes Ragnarsson, 21.2.2010 kl. 20:16]

Frú Ingveldur taldi sig ekki misskilja neitt þegar hún sá útum stofugluggann hvar Kolbeinn kom slagandi heim með fangið fullt af blómum. Á þeim tímapunkti hugsaði kerlingarnæpan með sér, að nú hefði Kolbeinn enn einusinni orðið hórnum að bráð.