Sprautaði fólk með heimatilbúnu bóluefni án þess að láta það vita

Fyrir um það bil aldarfjórðungi var Gottfreð Gottfreðsson læknir sviptur lækningaleyfi eftir að hafa fundið upp bóluefni gegn hinum skæða framsóknarvírusi og prófað það á sjúklingum sínum án þess að láta þá vita. Meðal annars sprautaði Gottfreð bóluefninu í stækan sjálfstæðismann, sem gekk bókstaflega af göflunum í kjölfarið; karlhelvítið fór að ganga um kviknakinn og baulandi og endaði á langlegudeild á Kleppsspítala. Framsóknarmenn urðu afturámóti algjörlega náttúrulausir bæði á pólitíska sviðinu sem og því kynferðislega. Það áleit Gottfreð vera merki um að bóluefnið virkaði framar öllum vonum.

Svo varð Gottfreði lækni það á í fljótræðiskasti að lauma framsóknarbóluefni í rassinn á frú Sigurveigu dræsu, sem hann aldrei hefði átt að gera. Frú Sigurveig brást við bóluefninu á nokkuð sérkennilegan hátt. Þrem dögum eftir sprautuna umventist hún úr skilmerkilegri últrahægrikerlingu í villukvendi sem hagaði sér eins og grimm lóðatík. Fyrst gekk hún fram af eiginmanni sínum, Arinbirni Hjaltalín Pálssyni, svo að hann flúði að heiman niðurbrotin á sál og líkama. Þar næst hóf Sigurveig dræsa að herja á eiginmenn nágrannakvenna sinna, jafnframt því að leita kröftuglega á eiginmenn vinkvenna sinna. Þannig spundraði hún átján hjónaböndum á sex mánuðum. Við ítarlega læknisskoðun komust sérfræðingar í læknavísindum að því að einhvernveginn í ósköpunum hefði efni, sem komist hafði inní líkama hennar, líklegast með sprautu, farið að herja á þær stöðvar heilans sem hafa með kynlíf og siðferðisvitund að gera. Fljótlega uppúr því fóru böndin að berast að Gottfreði Gottfreðssyni lækni, sem neyddist til að játa eftir að bóluefnið góða fannst í fórum hans.

237 kvartanir til Landlæknis

Athugasemdir

[Baldur Fjölnisson, 24.2.2010 kl. 22:55]

Talið er að framsóknarmennska stafi af erfðagalla og sé því erfðasjúkdómur og þar af leiðandi þvingaður ruglandi en stafi ekki af vírusum eða bakteríum.

[Sveinn Elías Hansson, 24.2.2010 kl. 23:06]

Voru framsóknarmennirnir svona sprækir í bólinu hér aður fyrr?

[Ólafur Ingi Hrólfsson, 25.2.2010 kl. 19:35]

nei nei - hversvegna halda menn að bændur hafi haldið vinnumenn ? Hversvegna var farið að senda "sæðara" á milli bæja eftir að draga tók úr fjölda vinnumanna?

Uppeldið brenglaði svo skynjun barnanna á raunveruleikann.