Uppvakningurinn af Pimlico og Sigurveig dræsa

Það er alltaf eitthvað sem er að koma manni á óvart í henni veröld. Í óafsakanlegri fáfræði minni hef ég lengi verið þeirrar trúar, að barónessur væri löngu útdauð dýrategund, hafi jafnvel aldrei verið til nema í lygasögum sem voru skrifaðar handa börnum fyrir tvöhundruð árum eða fyrr. En nú bregður svo við, að ljóslifandi barónessa skýtur upp kollinum á mbl.is. Og meir en það: baróessan kveður uppúr með, að ekkert sé óeðlilegt við að Bretar og Hollendingar krefji íslenskan almenning um milljarða á milljarða ofan fyrir glæpaverk nokkurra stórbilaðra kapítalista sem ættaðir eru af Íslandi. Mér sýnist á öllu, að umrædd barónessa sé ekki minna siðblind og rotin en icesaveódámarnir, enda af sömu rót runnin og þeir.

Annars minnir lygileg tilvist barónessunnar af Pimlico og forvitnileg speki hennar óneitanlega á stjórnmálakonuna Sigurveigu dræsu, en Sigurveig dræsa flutti merka ræðu á lokuðum aðalfundi fulltrúaráðs sjálfstæðiskvenna á dögunum. Í erindi Sigrurveigar dræsu kom sem sé fram, að allir væru skyldugir að virða og taka þátt í hinu stórlýðræðislega og alfrjálsa kapítalíska gangverki ef ekki ætti illa að fara; meðal annars, að auðvitað ætti almenningur á Íslandi að borga Icesaveskuldir sínar svo ekki skapaðist fordæmi sem raskað gæti ró auðhyggjunnar í heiminum. Orðrétt sagði Sigurveig dræsa: ,,Við sjálfstæðiskonur og menn, getum af stjórnmálalegum ástæðum líðandi stundar, af því við erum í stjórnarandstöðu um þessar mundir, leyft okkur að vera á móti icesavesamningum ríkisstjórnarinnar ef það mætti verða til að að ríkisstjórnin segði af sér. En auðvitað myndum við samþykkja allar kröfur Breta og Hollendinga undir eins og við værum komin í stjórnarráðið aftur, annað væri ófyrirgefanlegt út frá grundvallarhugsjónum hinnar kapítalísku sjálfstæðisstefnu."  

Barónessa segir kröfur á Íslendinga hæfilegar

Athugasemdir

[Jonni, 17.3.2010 kl. 09:14]

Mér finnst nú tilsvör barónessunar vera frekar skynsamleg og eðlileg.  Þessir stórbiluðu kapítalistar sem þú vísar í störfuðu undir íslensku fjármálaeftirliti og beinlínis í umboði íslenskra ríkisins.  Hver á að borga þetta annars? 

Hún bætir við að vextirnir séu of háir og sýnir þar umhyggju fyrir íslendingum og ber að teljast bandamaður íslendinga í þessu máli.

Svo getur aumingja konan ekkert gert að því að kunnátta þín á aðalsmannakerfi englendinga og tilveru lávarðadeildarinnar sé takmörkuð.  Það er því óþarfi að hnýtast í hana fyrir það.

Hvað varðar ummæli sjálfstæðiskonunnar þá er þetta heiðarleg og sönn yfirlýsing.  Allir vita þetta og engin ástæða til þess að fara i einhvern feluleik, nema fyrir þá sem halda að stjórnmál séu fyrir hugsjónafólk.  Hingað til hefur verið mikill skortur á heiðarlegum Sjálfstæðiskonum og mönnum en vonandi er þetta ný lína hjá þeim.

[Hamarinn, 17.3.2010 kl. 09:53]

Ég legg til að þeir sem kusu sjálfstæðisflokk og framsóknarflokk, borgi allan skaðann varðandi hrunið, enda var það í boði þessarra flokka. Þessir aumingjar störfuðu ekki í mínu umboði.

[Einhver Ágúst, 17.3.2010 kl. 10:28]

Samfylkingin var nú eitthvað að flækjast þarna, svo þá eru bara kommúnistarnir og fasistarnir þeir einu saklausu, skondið hvernig það skeði.

[Hamarinn, 17.3.2010 kl. 11:00]

Þeir hafa ALLTAF verið saklausir!!!!

[DanTh, 17.3.2010 kl. 17:06]

"Mér finnst nú tilsvör barónessunar vera frekar skynsamleg og eðlileg.  Þessir stórbiluðu kapítalistar sem þú vísar í störfuðu undir íslensku fjármálaeftirliti og beinlínis í umboði íslenskra ríkisins.  Hver á að borga þetta annars?"

Furðulegt hvað mörgum finnst sjálfsagt að varpa sök af þessu mesta peningaráni Íslandssögunar yfir á íslenskan almenning.  

[Lárus Baldursson, 17.3.2010 kl. 20:30]

Nú eru nýju aðgerðirnar í efnahagsmálum þær sömu og voru auglýstar fyrir nokkrum mánuðum en það er farið að vora og þá er komið með þetta bull á nýjum diski, ýmsum er orðið mjög heitt í hamsi og engar frosthörkur munu aftra fólki! hvar er Stulli og co? nú ætla þeir að fara að gefa raforkuna okkar til að skapa atvinnu á stóra Bretlandi og senda okkar fólk til Póllands. 

[Jonni, 17.3.2010 kl. 23:45]

"Furðulegt hvað mörgum finnst sjálfsagt að varpa sök af þessu mesta peningaráni Íslandssögunar yfir á íslenskan almenning. "

Mér finnst nú frekar furðulegra hvað mörgum (íslendingum) finnst sjálfsagt að íslendingar þurfi ekki að bera neina ábyrgð á íslenskri bankastarfsemi og að ekkert sé sjálfsagðara en að ræna sparifjáreigendur erlendis fé sínu og það geti bara einhverjir aðrir borgað.  "Ekki benda á mig, ÉG var ekki í neinni bankastarfsemi í Bretlandi".

Hvernig geta íslendingar ætlast til þess að nokkurt land treysti þeim fyrir einu eða neinu, þegar svona er farið fyrir ábyrgri stjórnsýslu á þessu skeri?