Tímabært að skrúfa fyrir Samherja til frambúðar

Hótun samherjadólganna um að loka frystihúsinu á Dalvík í tvo mánuði í kúgunartilgangi, sýnir svo ekki verður um villst, að tímabært er orðið, þó fyrr hefði verið, að skrúfa í fyrir þetta ólánsfyrirtæki í eitt skipti fyrir öll. Samherji, ásamt nokkrum öðrum sjávarútvegsfyrirbærum af sama kalíberi, hafa sem kunnugt er, fengið að valsa óáreytt um landið þvert og endilangt með þá göfugu hugsjón að leiðarljósi að soga til sín aflaheimildir og skilja bygðarlög eftir í sárum. Það er því ekki nema von að forsvarsmenn slíkrar hugsjónastarfsemi hafi í hótunum við allt og alla ef þeir fá ekki allar sína frekju- og yfirgangsóskir uppfylltar.

Við hótunarlýð LÍÚ er ekki til nema eitt ráð: Taka af þeim skip og aflaheimildir með einu pennastriki og afhenda fólkinu í landinu, eigendum fiskveiðiauðlindarinnar. Vafalaust væri best að ríkið tæki allar ,,stórútgerðir" í landinu eignarnámi og hér verði fyrst, að minnsta kosti, um sinn rekin öflug ríkisútgerð, sem myndi sjá um að dreifa aflanum til vinnslu í sjávarbyggðirnar. Með tímanum tækju síðan íbúarnir í þessum byggðum við útgerðinni í réttu hlutfalli við hvað hvert og eitt þeirra töpuðu af aflaheimildum í kvótafárinu mikla.

Að lokum legg ég til, að ríkisstjórnin leysi upp og banni LÍÚ-samtökin með lögum sem allra fyrst.      

Loka í átta vikur í sumar

Athugasemdir

[Níels A. Ársælsson., 21.3.2010 kl. 17:47]

Sammála í öllum atriðum.

Þessu til viðbótar legg ég til.

Breytum svo tónlistarhúsinu Hörpu í "Síldarverksmiðjur ríkisins" og Háskólanum í Reykjavík í "Hausaþurkun ríkisins" og Keflavíkurherstöðinni í "Fangabúðir ríkisins" en þar getum við með góðu móti hýst Sjálfstæðisflokkinn og Framsóknarflokkinn ásamt SUS-ungliðana hans Fannars frá Rifi.