Dónaskapur á heimsmælikvarða

Fram að þessu hefur mér skilist að Ferðafélag Íslands væri stórhuga félagsskapur og vandur að virðingu sinni í hvívetna. Nú bregður svo við að þetta vinsæla félag sviptir af sér sauðargærunni og eftir stendur svikull melrakki með kainsglott á vör.

Ferðafélag Íslands ætlar sem sé að hafa skemmtilega skoðunarferð að eldstöðvunum á Fimmvörðuhálsi á morgun og ber fyrir sig frekar slæma veðurspá! Hafið þið, lesendur góðir, heyrt af öðrum eins dónaskap og skepnusakap? Ég er hræddur um ekki. En svo hefur aumingjaskapurinn breiðst útum þjóðfélagið á síðustu árum, að ekki einusinni Ferðafélag Íslands er undanþegið vesaldómnum. Er þá fokið í flest, ef ekki öll, skjól. 

Úr þessu er ekki nema dagaspurmál hvenær landið sekkur alveg. 

Aflýsa ferðum á morgun

Athugasemdir

[Hamarinn, 4.4.2010 kl. 23:25]

Og ég sem ætlaði í ferðina.

[Jóhannes Ragnarsson, 4.4.2010 kl. 23:39]

Og hvað ætlarðu að gera?

[Hamarinn, 4.4.2010 kl. 23:43]

Ég ætla samt að fara, þó þessir aumingjar vilji ekki hjálpa björgunarsveitunum um smá þjálfun.

[Jóhannes Ragnarsson, 4.4.2010 kl. 23:47]

Þú ætlar þá sem sé að skilja Ferðafélag Íslands eftir í bælinu eins og megatimbraðan róna? 

[Anna Sigríður Guðmundsdóttir, 4.4.2010 kl. 23:55]

Þið eruð lánsamir að einhver hefur vit fyrir ykkur!

Enginn fær allt sem hann vill hvenær sem er og án skilyrða og eigin ábyrgðar!

Þannig er raunverulegi heimurinn gott fólk!

Vonandi fyrirgefið þið þeim sem hafa vit fyrir ykkur strákar mínir!

Ykkur er guðvelkomið að skammast í mér fyrir mína sýn á þessi ferða-fræði!

Það virðist alltaf þurfa að skamma og hengja einhvern fyrir ábyrgðina og ákvarðanirnar? Þeir eru ekki alltaf klókir sem skammast mest? Gangi ykkur vel! M.b.kv. Anna

[Jóhannes Ragnarsson, 5.4.2010 kl. 00:08]

Ég vona að minnsta kosti að hann Sveinn okkar hérna Hamar taki ekki uppá að hengja Ferðafélag Íslands fyrir ferðina sem ekki á að fara á morgun.

[Jóhannes Ragnarsson, 5.4.2010 kl. 00:12]

Mér láðist alveg að taka fram að ég ætlaði ekki ferðina góðu á að eldstöðvunum morgun. Hinsvegar ætla ég útá sjó á þriðjudaginn en þá spáir líka frekar slæmu veðri.

[Hamarinn, 5.4.2010 kl. 00:15]

Maður verður að bjarga sér. Og þessar björgunarsveitir hafa EKKERT annað að gera á morgun,  heldur en að bíða og sjá hvort ég komist á leiðarenda. Þær eru ekki of góðar til þess, enda hef ég ekki keypt einn einasta flugeld af síðastliðin 22 ár.