Stórlygar herra Gallúps Gissurarsonar frá Valhöll

Ekki þarf mikin speking til að sjá að þessi skoðanakönnun er hreinræktaður tilbúningur og þvættingur frá upphafi til enda. Hver á til dæmis að trúa því að einungis 12-14% landsmanna séu ánægðir með störf frú Álfheiðar Ingadóttur heilbriggðismálaráðherra? Mín tilfinning, og fjölmargra annarra, er á þá leið, að ánægjan og gleðin með frú Álfheiði losi rúm 90%, alls ekki minna. Þá er ekki síður fáránlegt að halda því fram að einhverjar landeyður, sem dubbaðar voru upp til ráðherra fyrir leiðan miskilning, njóti sérstakra visnsælda hjá kjósendum; 50-65% séu ánægðir með ,,störf" þeirra!

Nei, herra Gallúp Gissurarson frá Valhöll, þú skalt gjöra svo vel að ljúga einhverju sem trúlegra er, næst þegar þú opnar trantinn á þér. 

Flestir ánægðir með störf Rögnu

Athugasemdir

[Benedikta E, 5.4.2010 kl. 21:38]

Vertu ekki svona spældur - Álfheiður má þakka fyrir 14% - Össur komst ekki á blað.

[Jóhannes Ragnarsson, 5.4.2010 kl. 22:07]

Kómst ekki á blað? ... hann Össur??? Nei, hættiði nú alveg, bölvaðir íhaldstrítlarnir ykkar. Ef hann Össur er ekki á blaði, þá sýnir það best hvað könnunin er mikið svindl og lýgimál.

[Ragnar Gunnlaugsson, 5.4.2010 kl. 22:19]

Þessi skoðanakönnun passar þér greinilega ekki vel Jóhannes,kemur mér hreint ekki að óvart.

[Jón Valur Jensson, 5.4.2010 kl. 22:21]

Hvers vegna ætti einhver að vera ánægður með störf frú Álfheiðar Ingadóttur heilbrigðismálaráðfrúar fyrir utan manninn hennar? Ættu menn kannski að vera hlynntir því, að Berufsverbot verði tekið upp á Íslandi? Var ekki Dögg Pálsdóttir að upplýsa um ólögmætar aðferðir frú Álfheiðar gagnvart Steingrími Arasyni?

[Sigurður Sveinsson, 6.4.2010 kl. 04:49]

Hefur enginn smáhúmor lengur?

[Ágúst Valves Jóhannesson (IP-tala skráð) 10.4.2010 kl. 01:53]

Ef við eigum að fara að hlusta á Dögg Pálsdóttur upplýsa hvað er rétt og hvað er rangt að þá erum við á miklum villigötum.

[Jón Valur Jensson, 10.4.2010 kl. 01:59]

Ber að skilja þetta, Ágúst, sem meðmæli þín með Berufsverbot gagnvart Steingrími Ara Arasyni?

[Ágúst Valves Jóhannesson (IP-tala skráð) 10.4.2010 kl. 02:55]

Ráðherra getur í raun ávítað hvern sem er telji ráðherra embættismanninn ekki vera að fara eftir settum reglum. En auðvitað á hver forsvarsmaður ríkisstofnanna að geta leitað beint til ríkisendurskoðunar óháð reglum.

[Jón Valur Jensson, 10.4.2010 kl. 04:12]

Fyrri setning þín hér hljómar eins og grænt ljós á geðþóttavald.

Seinni setningin dregur þó að vissu leyti í land ...