Barátta stjörnusýslumannsins við þrjóta og þorpara ber árangur

Þeir halda það, þorpararnir, að þeir geti leyft sér hvað sem í umdæmi sjálfs stjörnusýslumannsins Stones í Árnessýslu. En þar skjáltlast böluðum þrjótunum illilega, því stjörnusýslumaðurinn Stones er með haukfrán augu, mörg á hverjum fingri, og er ekkert uppá það kominn að gera gælur við ósvífna götustráka og annað hraksmánarlegt illþýði. Enda eru glæpir orðnir afar fátíðir í Árnessýslu nú orðið. 

Ef ég þekki stjörnusýslumanninn rétt, þá hefur hann hýtt dópgöltinn, sem ók á 136 kílómetra hraða, vel og vandlega með eigin hendi, ekki síst fyrir það forkastanlega framferði að reyna að fela sig bak við öskutunnu við hliðina á samkomuhúsinu á Eyrabakka. En svona eiga yfirvöld náttúrulega að láta höndur standa fram úr ermum og refsa afbrotajúðum svikalaust.

Mikið væri óskandi, að ríkisstjórnin hefði vit á að gera stjörnusýslumanninn Stones að dómsmálaráðherra. Sá væri nú ekki lengi að uppræta hrunaglæpalýðinn og koma honum inn fyrir rimlana

Á ofsahraða undir áhrifum fíkniefna

Athugasemdir

[Sigurður Sveinsson, 19.4.2010 kl. 04:01]

Gleymdu því ekki heldur að þessi ofursýsli er líka fyrrverandi skattstjóri vestfirðinga og borgarfulltrúi íhaldsins hér í Selfossborg.

[Eyjólfur Jónsson, 19.4.2010 kl. 15:50]

Öskutunnurnar á Eyrarbakka eru annsi litlar svo að þetta hefur verið smár smákrimmi á ferðinni. Öskutunnurnar á Selfossi eru aftur á máti risastórar þar sem smákrimmarnir þar eru annsi langir og tunnurnar því tilsvarandi stórar.

caliber 50