Samfylkingunni getur orðið hált á aðförinni að Jóni Bjarnasyni

Það dylst víst engum, sem til þekkir, að Samfylkingin er á fullu í aðför að Jóni Bjarnasyni vegna einarðrar andstöðu hans við aðildarumsóknina að ESB. Skiptir þá engu máli sú staðreynd að Jón Bjarnason hefur staðið sig mjög vel í þeim málaflokkum er undir hann heyra og mun betur en nokkur ráðherra Samfylkingarinnar getur státað af. Og það skulu samfylkingarskoffínin vita, að þeim getur orðið verulega hált á að reyna að bola Jóni útúr ríkisstjórninni.

Þá er einnig að renna upp fyrir æ fleirum, að Samfylkingin er ekki stjórntækur flokkur sem aðili að vinstristjórn. Bæði er, að Samfylkingin er hreinn hægriflokkur, klassísk auðvaldshækja eins og krataflokkar jafnan eru, og svo hitt að þessi aumi flokkur er brennimerktur ábyrgð af hruninu í bak og fyrir. Það er til dæmis ekki ásættanlegt, að hrunaráðherrarnir Jóhanna Sigurðardóttir, Össur Skarphéðinsson og Kristján Möller sitji í ríkisstjórn, þau eiga, öll sem eitt, að segja af sér ráðherradómi ekki síðar en fyrir hádegi á morgun.

Að  öllu óbreyttu, eru fá rök og léttvæg fyrir því að VG sitji mikið lengur í ríkisstjórn með Safylkingunni.  

 

 

Ríkisstjórnin fundar enn

Athugasemdir

[Guðmundur Jónas Kristjánsson, 9.5.2010 kl. 19:42]

Þetta er grátbroslegt hjá þér Jóhannes minn.
Að maður eins og Jón Bjarnason, sem styður bæði flokk og ríkisstjórn er vinna bæði  hörðum höndum að aðild Íslands að ESB skuli ekki vera
einlægur ESB-sinni. ENGINN styður það sem viðkomandi er á móti! Eða er það? Nei það er ENGINN munur á andþjóðlegri afstöðu krata og
komma í Evrópumálum. Enda vantaði BARA HREINRÆKTAÐA VINSTRISTJÓRN til að Ísland sótti um aðild að ESB! Það blasir við Jóhannes
minn! Jón Bjarnason er argasti ESB-sinni í mínum huga, styðjandi flokk og ríkisstjórn sem sótt hafa um aðild að ESB!

[Jóhannes Ragnarsson, 9.5.2010 kl. 20:06]

Ja, framsóknarmenn hefa verið frægir fyrir að styðja það sem þeir hafa verið á móti, en þessháttar framganga er síst öðrum til eftirbreytni.

En þó Jón Bjarnason sitji í ríkisstjórninni, þá greiddi hann atkvæði á móti ESB umsókinni, þrátt fyrir hótanir forsætisráðherra og annarra í Samfylkingunni.

Núverandi ríkisstjórn er ekki vinstristjórn, hvað þá ,,hreinræktuð vinstristjórn." Samfylkingin er hægriflokkur, um það þarf varla að deila, og helmingurinn af VG er samansafn af hægri- og miðkrötum. Útúr slíku samsulli kemur í hæsta lagi einhverskonar mið- hægristjórn.

[Benedikta E, 9.5.2010 kl. 20:12]

Samfylkingin er ekki stjórntæk með neinum !

[Guðmundur Jónas Kristjánsson, 9.5.2010 kl. 20:26]

Jóhannes minn. Það eru fjöldi fjöldi ára síðan ég sagði mig úr Framsókn. Einmitt út af ESB-trúboðinu þar. Þannig að í Guðs bænum
bendlaðu mig ekki við þann flokk undanfarin ár. Þannig hef alveg hreinan skjöld í Evrópumálum, og get rifið kjaft. En það hafa VG svo sannarlega ekki. LUGU að þjóðinni í Evrópumálum frá fyrsta degi. Og styðja ekki bara umsóknarferlið, heldur AÐLÖGURNARFERLIÐ líka.
Samfylkingin skilgreinir sig sem vinstriflokk, enda myndar hún og VG
HREINRÆKTAÐA VINSTRISTJÓRN þá fyrstu í sögu Íslands. Enda báðir
öfga-alþjóðahyggjuflokkar eins og vinstrimönnum sæmir Jóhannes
minn. Veifa enn rauðum fánum og syngja internationalinn.

[Jóhannes Ragnarsson, 9.5.2010 kl. 20:38]

Það er í lagi að veifa rauðum fánum og syngja nallann, svo lengi sem hugur fylgir máli. En því miður fylgir enginn hugur máli í þeim efnum hjá samfylkingarliðinu og flokkseigendafélagi VG.

[Ásthildur Cesil Þórðardóttir, 10.5.2010 kl. 08:59]

Burtu með þetta lið.  Ég er búin að fá upp í kok.  Neyðarstjórns strax!

[Ingibjörg Friðriksdóttir, 10.5.2010 kl. 21:35]

Jón Bjarnason og Álfheiður Ingadóttir, samgöngumálaráðherrann og Össur mega missa sig að mínum dómi..... Láti þeir Rögnu fara, þá skal ég láta illum látum. Þið hafið ekki hugmynd um hverníg ég læt í látum.

[Jóhannes Ragnarsson, 10.5.2010 kl. 21:41]

Hvað er svona merkilegt við þessa Rögnu að hún megi ekki fara? Þetta er litlaus kerfiskelling og möppudýr.

[Ingibjörg Friðriksdóttir, 10.5.2010 kl. 21:55]

Hún hefur vit á því sem hún er að gera og er ekki með einhverjar helvítis málalengingar.  Ég vil alla þessa fjandans pólitíkusa burt og þá sérstaklega þá sem ég nefndi hér að framan.

[Jóhannes Ragnarsson, 10.5.2010 kl. 22:05]

Já, Ingibjörg, ætli sé ekki best að fá einhvern laghentan mann til að berja saman fáeina gálga.