Minnismerki um Hrunið og glæpamennskuna sem því tengist

Eitt af mörgu óskiljanlegu í eftirmálum af Hruninu Mikla á Íslandi, er áframhald á byggingu tónlistar- og ráðstefnuhússins sem útrásarnautin hófu að reisa á hafnarbakkanum í Reykjavík og einhver andlega broguð gáfumenni í tilvistarkreppu hafa gefið nafnið Harpa, vonandi í háðungarskyni.

Það þótti víst mun meira aðkallandi innan ,,vinstristjórnar" Jóhönnu og Steingríms að ausa miljörðum á miljarða ofan í hið úrkynjaða flottræfilsfyrirbæri við Reykjavíkurhöfn, en að koma í veg fyrir að grunsamlegir peningapervertar kæmust yfir stóra sneið af orkuauðlindum landsins.

Í stað þess að halda áfram að fleygja stórfé í monthöllina á hafnarbakkanum, átti ríkistjórnin, þessi ,,vinstrisinnaða og alþýðuvæna" að láta moka þessu óþrifabákni á haugana, eða breyta því í minnismerki um Hrunið og glæpamennskuna sem því tengdist. En því miður er núverandi ríkisstjórn jafn kapítalísk í eðli sínu og fyrirrennarar hennar, jafn samdauna hinni gjörspilltu borgarastétt og íhalds- og framsóknarhöfðingjarnir, sem sigldu þjóðarskútunni uppí grjóturð kreppunnar.

En handan við hornið bíður alþýðubyltingin eftir að komast á dagskrá.  

Harpa stendur vart undir vaxtakostnaði

Athugasemdir

[Hamarinn, 20.5.2010 kl. 08:28]

Og við aumingjarnir munum þurfa að borga þetta hrúgald fyrir snobbelítuna, því hún tímir aldrei að borga fyrir sjálfa sig. Sprengjum helvítið í loft upp.

[Hamarinn, 20.5.2010 kl. 08:29]

Og eitt enn.

Burt með þessa andskotans íhalds og borgarastjórn, sem er skítsama um almenning.

Það styttist í alþýðubyltinguna.