Tannlausi sjakalinn spangólar eins og búrtík

Ja, nú þykir mér týra í tittlingaborg. Er ekki nema yfirskirfstofusjakalinn í ASÍ farinn að hóta verkföllum í haust. Það er af sem áður var þegar umræddur sjakali, ásamt öðrum verkalýðsforstjórum, skriðu lafhræddir undir skrifpúltin sín þegar alþýðan hélt niður á Austurvöll og steypti óskaríkisstjórn hinna tannlausu sjakala af stóli. Og hvað ætli Gylfi Arnbjörnsson, búrtík Viljálms Egilssonr og borgarastéttarinnar, eigi við með að ,,örva atvinnulífið?" Jú, meiri stóriðju og aftur og enn meiri stóriðju. Það er allt og sumt, ásamt inngöngu í ESB. Lengra ná hugsjónir þessa verkalýðsdragbíts ekki, enda er hann búrtík auðvaldsins.

En það verður fróðlegt að sjá hvernig skrifstofusjakalarnir og lífeyrissjóðakóngarnir Gylfi, Kristján í Keflavík og Skúli Thor ætla að koma stóriðjuáformum sínum og ESB inní kjarasamninga.

Íhuga verkföll í haust

Athugasemdir

[Tómas Waagfjörð, 20.5.2010 kl. 20:36]

Að segjast íhuga verkföll sýnir dugnaðarleysi þessarra aumingja. Ef eitthvað á að ske ættu verkföll að vera fyrir löngu byrjuð í stað þess að vera með innantómar hótanir um framtíðina. Ein helsta krafan ætti að vera lækkun laun alþingismanna undir 700 kall á mánuði svo að úr verði ekki nema tvöföld laun verkamanns. Launakerfi sjómanna á að vera notað í landi líka, enginn með meira en tvo hluti því enginn er það merkilegur að hann þurfi meira.

[Hamarinn, 20.5.2010 kl. 20:42]

Það er kanski eitthvað rofa til í hausnum á honum. Farinn að gagnrýna formann sinn.Það er af sem áður var. Skyldi hann stefna á formannsstól samfylkingarinnar, þegar honum verður hent út öfugum á ársfundi ASÍ?