Þegar Gnarrið fer að veiða í Elliðaánum

Það er öllum fjandans sama um Norðurá og Blöndu þessa dagana. Nú bíður fólk í ofvæni eftir að Gnarrið hefji veiðar í Elliðaá. Það fer að vísu litlum sögum af því hvort umrætt Gnarr viti hvað snýr fram eða aftur á veiðistöng, eða hvort hann þekki skötusel frá laxi, en það gerir ekkert til svo framarlega að það verði laxinn sem dregur Gnarrið ofaní hylinn til sín í staðin fyrir að Gnarrið sveifli fiskinum uppá árbakkann. Þá verður Gnarrið að gæta þess að fiski- og atkvæðafælur á borð við Dag B., Hönnu Birnu verði hvergi nær þegar hann fer að munda veiðarfæri sitt. Og ekki skal Gnarrið heldur ætla sér þá dul, að nota Sóleyju Tomm fílí-romm-bomm-bomm í beitu fyrir laxinn, því þá mundi gjörvallur elliðaárstofninn af laxfiskum synda rakleitt niður ána og láta ekki staðar numið fyrr en hann væri kominn útfyrir fiskveiðilögsögu Íslands, en þannig fór einmitt fyir Sóleyju í nýafstöðnum borgarstjórnarkosningum; VG-lýðurinn streymdi með vængjaslætti og gargi burt frá flokknum eins og hænsni undan fálka.

Fyrsti laxinn kominn á land

Athugasemdir

[Anna Sigríður Guðmundsdóttir, 5.6.2010 kl. 16:38]

Það er bara svo gott fyrir okkur öll að komast aðeins uppúr dapurlegum vana-frasa pólitíkusa!

Sem betur fer fáum við áfram einhvers-konar Spaugstofu þótt Palla M-pólitíkusinn hafi reynt að útrýma gleði og gamni?

Öllu gamni fylgir alvara og líklega vita fáir það betur en Gnarrinn okkar sem er  næstum hokinn af reynslu, af svika-klíkukerfinu M.b.kv.

[Ingibjörg Friðriksdóttir, 5.6.2010 kl. 16:46]

Jóhannes, það verður sannkallaður Maríu lax. því Jón hefur aldrei sveiflað veiðstöng.

Ertu nokkuð spældur?  Þér er velkomið að visetera Gnarrenburg.

[Jóhannes Ragnarsson, 5.6.2010 kl. 18:53]

Ég heimskókti höfuðborgarmauraþúfuna s.l. fimmtudagskvöld og forðaði mér heim aftur eftir um það bil 3. klukkustunda dvöl. Þessi andskotans útnári versnar ekki þó Gnarrinn fari að ráða þar ríkjum.