Hvenær dettur hesti í hug að sjúga kú?

Ef svo er að kúamjólk sé einungis holl kálfum, er einboðið að mannfólk hætti algjörlega að éta þessa afurð frá löggiltum eigendum, það er að segja kálfunum, og snúi sér að annarri, nærtækari og hollari fæðu. Í fljóti bragði sé ég ekkert sem komið gæti í stað kúamjólkur en mjólk úr kvenmönnum, sem hingað til hefur nær eingöngu verið nytjuð ofaní hvítvoðunga.

Í annari útgáfu Þátta frá árinu 1977 eftir Halldór Laxnes segir Karl Einfer á þá leið, að hámark óeðlis sé að neyta mjólkur úr öðrum dýrum og spyr í áframhaldinu: ,,Hvenær dettur hesti í hug að sjúga kú? Og þegar Karl Einfer er spurður hvað eigi að gera, svarar hann samstundis, að það eigi ,,að taka kellíngar og ala þær á búgörðum uppí sveit og mjólka þær." Karl Einfer hafði einnig í hótunum við þetta tækifæri, að fá mann frá Amríku sem hann þekkti til að stofna trúfélag á móti því að éta mjólk úr öðrum skepnum.

Því miður virðist hafa farist fyrir hjá Karli Einfer að stofna áminnst trúfélag, en máske er nú loks aftur kominn grundvöllur fyrir almennilegum, heilögum trúarsöfnuði á móti áti manna á mjólk úr öðrum dýrategundum. 

Kúamjólk bara fyrir kálfa?

Athugasemdir

[Kristján Sigurður Kristjánsson, 19.7.2010 kl. 22:47]

Eða fara ríðandi á milli bæja á nauti.

[Ingibjörg Friðriksdóttir, 20.7.2010 kl. 23:37]

Skil þetta ekki. Við mannfólkið étum bæði kýr og kálfa, sauðnaut sem önnur naut og hví ekki að lepja mjólkina úr þeim líka.

Hestar og kýr eru grasætur en við erum helvítis.............

[Jóhannes Ragnarsson, 21.7.2010 kl. 22:10]

En hvað segirðu um að ala kéllíngar á búgörðum uppí sveit og mjólka þær, eins og Karl Einer vildi? Það yrði að minnsta kosti kærkomin nýsköpun í landbúnaði og skapaði mörg ,,atvinnutækifæri" eins og innantómu sperrileggirnir í pólitíkinni orða það. 

[Ingibjörg Friðriksdóttir, 21.7.2010 kl. 22:55]

Jú, jú. að sjálfsögðu.  Klónaðar kerlingar væru bara nýtt innlegg í atvinnusköpun.  Það myndi kannski létta aðeins á blessuðum kúnnum.