En Kata er ekki reið í sínum bómullarhjúpi

Það gefur auga leið að það er bæði mikil reiði og hneykslan meðal þeirr þúsunda sem kusu VG fyrir bráðum einu og hálfu ári síðan með ófögnuðinn og spillinguna sem Jóhanna Sig. bar á borð á Alþingi í gær, og skal engann undra.

En núna rétt áðan horfði ég og hlustaði á Kastljós í sjónvarpinu. Og viti menn, þar sat varaformaður VG, Katrín Jakobsdóttir, sæl á svipinn og fimbulfambaði úr og í út og suður þannig að á tímbili hafði ég sterkar efasemdir um hvort ráðherranefnan vissi hvert umræðuefni þáttarins væri. Þetta geð- og getuleysi varaformanns VG kom mér svo sem ekkert á óvart, en ósköp er dapurleg samt að sjá þennan varaformann hreyfingar sem kennir sig við vinstri að liggja marflatan fyrir varaformanni Sjálfstæðisflokksins, sem hefur mjög vondan málstað að verja og gaf hvað eftir annað færi á sér í þættinum með óforskömmuðum klisjum og innantómu spillingarbulli.

Nei, Katrín Jakobsdóttir var ekki reið, eins og langflestir kjósendur VG. Hún var bæði glöð og ánægð, eins og kjúklingur sem alið hefur sinn aldur innvafin í bómull innan háskólalóðarinnar. 

Mikil reiði innan VG

Athugasemdir

[Hamarinn, 21.9.2010 kl. 21:38]

Það er löngu kominn tími til að taka til í forystusveit Vg, ef þetta lið vill ekki að við kljúfum okkur út úr þessum flokki.

[Jóhannes Ragnarsson, 21.9.2010 kl. 22:09]

Vandamálið við VG er að þar dugar engin tiltekt, subbuskapurinn er of mikill. Það er nauðsynlegt stofna róttækan verkalýðsflokk sem byggir á stéttarbaráttu. Ég tel að efniviður sé til staðar í slíkan flokk, sérstaklega eftir svavarsvæðingu VG og svik hins ráðherrasjúka Steingríms.

[Árni Gunnarsson, 25.9.2010 kl. 16:26]

Ég held að innan raða Vg sé ennþá sama ágætisfólkið og áður. Það hefur komið afar glöggt í ljós að formaðurinn er úlfur í sauðargæru sem tekur á sig alla sauðalitina eftir því hvaða litur hentar best þenn og þann daginn. Og réttilega bentir þú á að Katrín Jakobsdóttir varaformaður er forrituð lærdómstuðra með góðar prófeinkunnir og mjúkt hjartalag sem engum verður gagn að í menntamálaráðuneyti. Hún er í senn allslaus og gagnslaus.

Mesta slysið er að koma því ekki í verk að þurrka nafn Steingríms Jóhanns út af lista flokksforystunnar og koma því síðan í verk að sameinast Hreyfingunni og besta hluta Íslandshreyfingarinnar sem Margréti Sverrisdóttur tókst að eyðileggja eins og Frjálslynda flokkinn.