Jóhannes Ragnarsson

11.10.2010 | 21:56

Hundur myrtur þegar hann gekk örna sinna undir svefnherbergisglugga

Hafi einhverntímann verið ráðherra upp á Íslandi þá er það Torgerður Kattrím Gunnarsdóttir Eyjólfssonar leikara í Þjóðleikhúsinu. Og oft hefur mér fundist ég sjá í Torgerði, Hallgerði eiginkonu Gunnars á Hlíðarenda og fleiri manna sem hún var gift. Þá eru frægar erjur hennar við frú Ingveldi innan Sjálfstæðisflokksins og mjög í ætt við skærur þeirrar Hallgerðar og Bergþóru á Berþorshváli öldum fyrr. Til dæmis lét Torgerður húskarl sinn, Kolbak, vega hvítan hund frú Ingveldar, mikla skepnu og dyggðuga, einmitt í þann mund er umræddur rakki gekk örna sinna undir svefnhefbergisglugga frú Ingveldar. Í staðinn kom frú Ingveldur fram hefndum með því að láta drykkfellda óknyttadrengi brjóta rúður í stofu Torgerðar og skvetta innum þær blöndu af spilliolíu og grútarlýsi. Varð Torgerður Kattrím þá skelkuð nokkuð og tók sér leyfi frá þingstörfum um óákveðin tíma meðan hún legði stund á finna upp öflugar skæruaðgerðir gegn frú Ingveldi. Því miður fóru aðgerir Torgerðar allar í handaskolum, útum læri maga eins og kallað er, og hún sjálf lent uppíloft í sjálfheldu; einhverri andskotans kúlu, sem fróðir menn segja að hún eigi ekki afturkvmt uppúr, svo sé snilld frú Ingveldar fyrir að þakka. Í framhaldinu ætlar frú Ingveldur að einbeita sér að hjáparstarfi í Keflavíkurgettoinu með súrálsvinnslu og síðbúnu hermangi, á meðan Torgerður veltir sé hring eftir hring í kúlunni vondu, þaðan sem aungvin leið er út.

	Þorgerður Katrín óskar eftir fundi
Ábyrgðarmaður færslu Tilkynna um óviðeigandi tengingu við frétt

Flokkur: Stjórnmál og samfélag | Breytt s.d. kl. 22:03 | Facebook

Athugasemdir

Jóhannes ! Hún Þorgerður Kínarín hefur ekki mikið að óttast úr þessu , því þekki ég landann rétt , þá verður hann búinn að steingleyma öllum kúlulánum í næstu kosningum , ja utan stöku pólitísk "viðrini" eins og mig og þig .

En hundurinn er ansi flottur og á vel við kúluna . ;-)

Hörður B Hjartarson, 11.10.2010 kl. 22:18