Rússar vilja endurheimta sinn góða kommúnisma

Samkvæmt mínum heimildum í Moskvu og Leningrad, vilja Rússar endurheimta sinn gamla góða kommúnisma og ennfremur telja þeir að nú sé illa úr heimi hallur félagi Jósef Stalín. Málið er nefilega það, að þegar vesalingurinn Gorbatsjoff og hans heilalausu liðleskjur gáfust upp og létu kaupa sig til að svíkja hinar sósíalísku hugsjónir Rússa, opnuðu þeir í leiðinni á kapítalískan glæpafögnuð eins og hann gerist fegurstur á Vesturlöndum. Moskva breyttist úr friðsömustu og öruggustu stórborg heims í þá hættulegustu á undra stuttum tíma. Og annað hefur verið í þeim dúr síðan þjófseðli kapítalismans var hleypt inn í Rússland.

Og nú fullyrða Rússar að nú vanti þá sálega félaga Stalín til að berja glæpagengi á vegum Sjálfstæðisflokka heimsins útúr lögsögu Rússlands og til þess úrkynjaða hluta heimsins sem þau eiga uppruna sinn í. Sem betur fer eru Rússar vongóðir um að brátt rísi upp sá raunverulegi arftaki félaga Stalíns sem muni leiða þá styrkri hendi útúr ógöngum kapítalismans. 

Kröfðust afsagnar Pútíns

Athugasemdir

[Arngrímur Stefánsson, 12.12.2010 kl. 20:54]

Rétt er það að Rússland í dag sé grútspillt, eini munurinn að núna ganga glæpamennirnir eru í glæpasamtökum sem ,,tæknilega'' eiga ekki að vera til.  Áður fyrr voru sömu glæpamennirnir með flokkskírteinin, taktu af þeim flokkin og þeir leggjast í leyni en þeir hverfa ekki. 

Það mætti halda að Spilling væri bara í menningu þeirra, en kanski er það af þeirri einföldu ástæðu að Rússland er alltof stórt og strjálbýlt og ómögulegt að hafa miðstjórn yfir þessu öllu, nú þegar eru sjálfstæðishreyfingar í rússnenska ríkjabandalaginu sífellt að færa sig uppá skaftið, helst áberandi eru auðvitað Tjetjeníumenn. 

Rússland ætti að vera land rússanna, ekki land rússanna og mörghunduruð minnihlutahópa sem er mismunað. Skiptið nú þessari hörmung upp og þá vonandi batnar þessi hörmung.  Eigi að halda landinu í núverandi mynd þarf að uppstokka algerlega í embættismannakerfinu, helst gefa heimastjórnum meiri völd, en á sama tíma auka ábyrgð þeirra gagnvart Moskvu. 

Moskva mætti líka alveg taka sig til og aðstoða svæðin í Rússlandi meira, ekki bara hirða af þeim skatt.