Jóhannes Ragnarsson

10.1.2011 | 22:43

Hið vindbarða og nötrandi hænsnarassgat

Þó svo búrtík Steingríms og Svavars, Árni Þór Sigurðsson, hafi komið eins og vindbarið og nötrandi hænsnarassgat til augnanna fram fyrir alþjóð í seinni fréttum sjónvarpsins í kvöld og stunið uppúr sér að hann hafi ekki verið krafinn um afsökunarbeiði á þingflokksfundinum, liggur fyrir að umrædd afsökunarbeiðni hefur ekki verið dregin til baka. En þar sem ég veit að búrtíkin mikla er ágætlega að sér í pólitískum lygafræðum hef ég enga ástæðu til að hún fari alveg rétt með þegar hún staðhæfir að hún hafa ekki verið krafin þess að biðja Lilju M. fyrirgefningar á framkomu sinni við hana.

Að öðru leyti varðandi viðkomandi frétt, þá fékk ég ekki betur séð á fasi manna að heldur hafi dregið sundur en saman mill hægri og vinstri arms VG. Og satt að segja er ég feginn því ef rétt reynist. Svikasættir við Steingrím og flokkseigendafélag VG er ekki meira virði en glötuðu miljarðarnir útrásarglæpamannanna. Það væri lang heiðarlegast og um leið skynsamlegast af vinstri arminum að láta nú gott heita og ganga úr VG og einhenda sér í að stofna raunverulega Vinstrihreyfingu, en láta Steingrím og búrtíkur hans sigla sinn sjó með AGS, Icesave, Magma, ESB og öðru kapítalistadóti, þar eru hvort eð er ættir þeirra og óðul