ESB-vandræðamenn og krypplingar spá dómsdag á morgun eða hinn.

Það hefur vægast sagt verið stórbrotið og jafnframt stórhlægilegt að fylgjast með viðbrögðum krypplinganna, sem engjast sundur og saman af viðþolslausri löngun til að borga Icesave-glæpinn fyrir bófagengið sem rændi hér öllu lauslegu og eyðilagði þjóðfélagið okkar, eftir að heiðursfélgai Ólafur Ragnar vísaði Icesave-samningi Jóhönnu, Steingríms og Bjarna Ben til þjóðarinnar. Allrahanda leiðindaskjóður, einkum ESB-vandræðamenn, sem skreyta sig háskólatitlum sem virðast jafn innihaldslausir og tóm Armani jakkaföt, hafa verið kallaðar til af fjölmiðlum til að spá dómsdegi á morgun eða hinn og formæla heiðursfélaga Ólafi Ragnari niður í ystu myrkur fyrir að snúa á gjörspillta og svikula stjórnmáladólga og gera þá afturreka með ódæðisverk sín.

Það er alveg ljóst, að vandræðafólki sem á sér þá ósk heitasta að ljúga íslensku þjóðina með öllum ráðum inní ESB tengja Icesave-samninginn beint við aðildarumsóknina að ESB og mega ekki til þess hugsa að þjóðin hafni nefndum samningi því það kunni að hefta ferð þeirra í fangið á stórauðvaldi Evrópu.

Það er einlæg von mín að almenningur taki forseta lýðveldisins, heiðursfélaga Ólaf Ragnar Grímsson, sér til fyrirmyndar í þeirri viðureign við landsölumenn og auðvaldsþjóna og róna sem framundan er, þegar hann tók ESB-agent DV, Jóhann Hauksson, og flengdi hann uppúr hans eigin hroka og lítlimennsku.

Úr því sem komið er, væri best að gefa ræflunum, sem vilja að almenningur borgi stórglæpamennsku eins og Icesave, kost á að greiða sjálfir úr eigin vasa það sem þeir ætlast til að þjóðin færi Hollendingum og Bretum úr sameiginlegum sjóðum sínum.

 

 

57,7% myndu samþykkja Icesave

Athugasemdir

[Umrenningur, 21.2.2011 kl. 21:18]

Flenging jóhanns hjá Ólafi verður lengi í minnum höfð.

[Björn Emilsson, 21.2.2011 kl. 21:52]

Hverju orði sannara Johannes. Það er með ólíkindum að slíkir landsölumenn skuli vera hér allráðandi. Og kalla sig fulltrúa alþýðunnar, þar að auki.

[Sleggjan og Hvellurinn, 21.2.2011 kl. 22:54]

Ég sé bara öfgafulla texta hérna.

Af hverju getur enginn sagt "það er mitt mat að það er áhættunar virði að fara dómstólaleiðina"   og sleppa öllum gífuryrðum.

[Jóhannes Ragnarsson, 24.2.2011 kl. 21:56]

Hvaða helvítis hrærigrautur viskunnar er þessi Þruman, Sleggjan, Hvellurinn og Hamarinn ? Þessir náungar minna mig á strákana sem rifu undan sér þegar þeir stukku yfir gaddavírsgirðingun forðum daga á flótta undan föður stelpunnar sem þeir ætluðu að heimsækja.

[Sleggjan og Hvellurinn, 24.2.2011 kl. 22:14]

góð rök