Er sjálftökuliði ASÍ ekki sjálfrátt ?

Ekki efast ég um eitt andartak að skrifstofusjakalar ASÍ vilja forðast verkföll í lengstu lög, enda stendur ekki til af þeirra hálfu að deila kjörum með verkafólki. Þessi forherti villulýður hefur engan áhuga á að ata sínar sigglausu merarhendur með öllum þeim óþægindum sem verkfall hefur í för með sér. Þá er nú þægilegra fyrir þá að núa sér utaní fótleggi atvinnurekenda og annarra pótintáta borgarastéttarinnar og urra síðan framan í verkafólk. Já, sjálftöluliðið á kontórum verkalýðshreyfingarinnar, með tvöföld, þreföld og fjórföld verkamannalaun, eða jafnvel meira, lætur ekki að sér hæða og býr til hvert leikritið af öðru með atvinnurekendum til að blekkja verkafólk og draga úr því kjarkinn.

Það verður að teljast afar merkilegt að forsetar ASÍ, þau Gylfi Arnbjörnsson og Signý Jóhannesdóttir, hafa bæði afrekað það að vera bauluð niður á 1. maí í Reykjavík eins og hvimleiðir og fjaðralausir skarfar. Af hverju þessir sjakalar segja ekki snarlega af sér er í fyllsta máta dularfullt.

Það er raunar mikið tilefni til að skipa öflugt teymi sálfræðinga og geðlækna til að rannsaka innvolsið milli eyrnana á sjakalahersveit ASÍ og landsambanda þess til að ganga úr skugga um hvort þessum lýð sé sjálfrátt.

 

   

Sitja þar til sést til lands

Athugasemdir

[Axel Jóhann Hallgrímsson, 3.5.2011 kl. 22:46]

Það er ekki annað hægt, en taka undir þetta.

[Magnús Ágústsson, 4.5.2011 kl. 08:45]

ynnilega sammala

ad formadur ASI se bauladur nidur af verkafolki a 1 Mai segir alla soguna

vid thurfum menn eins og thennan a Akranesi sem nadi ad landa godum samingi en thurfti baedi ad berjast vis SA og ASI nokkud furdulegt