Því miður gleymdist að umskíra herra Gnarr

Mikið er í það varið hjá Jóni Gnarri og Degi Bé að bínefna Laugaveginn ,,Mannréttindaveg" í þrjá daga. Ég veit að þeir kumpánar hafa haft heilaga þrenningu, að evangelísk kattþólskum sið, til hliðsjónar þegar þeir ákváðu að hafa dagana þrjá en ekki fjóra eða sjö. Hinsvegar er mjög miður að þeir skuli hafa gleymt að umskríra herra Gnarr til þriggja daga og nefna hann Prjón Mannarétting.

En það er sem sér stórkostleg uppáfyndning að láta Laugaveginn heita Mannréttindaveg í þrjá skitna daga, þó ekki væri til annars en að minnast þeirrar gífurlegu mannréttindabótar þegar rafknúna þvottavélin leysti dætur Reykjavíkur undan þeim ósköpum að dragnast inn Laugaveginn með fullt fangið af skítugum fataleppum, kanske um hávetur í norðanbáli og grimmdarfrosti, alla leið inní Þvottalaugar og bera síðan sömu fataleppa rennvota og níðþunga heim í skafrenningi, jafnvel allar götur vestur á Seltjarnarnes.

Nafni Laugavegs breytt í Mannréttindaveg

Athugasemdir

[Eyjólfur Jónsson, 30.5.2011 kl. 22:03]

Þetta var ömurleg lausn á sínum tíma. En ríka fólkið þurfti ekki að bera blautan þvottinn og ekki var gerð vagnaleið fyrir þvottakonurnar þótt bærinn vissi alveg uppá hár að þetta var níðþungt og trældómur. Það átti að leggja rör strax! Alveg eins er statusinn í dag, það er bara gróðinn og ekki þrældómurinn sem er reiknaður. Og vel á mynnst, ég vill vill fá kapalverksmiðjuna á Austurlandið og fiskvinnslurnar á Vestfyrðina ásamt allri annarri fullvinnslu í hverjum landsfjórðungi fyrir sig. Og bankana líka og menntunina og sjúkrahúsin og........

Sjálfbærir landsfjórðungar myndu vera framtíðin strákar og landsbyggðin mundi blómstra sem aldrei fyrr og þar sem bændur ráði sinum málum og mörkuðum sjálfir. Takið eftir þessu "sjálfir" sem kemur upp allstaðar hjá mér, það er lausnarorðir fyrir framtíðina og landið okkar strákar!!

50 cal. 

[Jóhannes Ragnarsson, 31.5.2011 kl. 13:42]

Ég held ég sé bara alveg sammála þér, Eyjólfur.