Það slær óhug að þjóðinni í hvert sinn sem á þau er minnst

Núnú, það er ekki seinna vænna fyrir allskyns hrunalýð og spillingarskaðvalda að skríða framúr músarholum sínum og bregast til varnar fyrir bróðir þeirra allra, herra Haaarde hrunsmarskálk. Nú er lag fyrir allar ingibjargir sólrúnir, steinunnir valdísir og tryggva þóra herbertssyni að slá sér upp á óförum Gjeirs haaarde og sveipa sig hjúp eigin sakleysis, hræsni og skinhelgi.

Hinsvegar virðist ingibjörgunum, steinunnunum og tryggvunum það hulið að það slær óhug að þjóðinni í hvert sinn sem þau eru nefnd á nafn á opinberum vettvangi. En líklega er þessu fólki nákvæmlega sama um það, þau eru nefnilega ekki þjóðin; eða vitið er ekki meira í þverpokum sálar þeirra en raun ber vitni og óforskömmulegheitin eftir því.

Það er nefnilega ekkert við það að athuga að saksóknari hafi opnað vef á netinu þar sem almenningur getur kynnt sér málaferlin á hendur herra Gj. Haaarde og framvindu þeirra.

Hinsvegar ætti Alþingi að taka landsdómsmálið aftur upp á Alþingi með það að markmiði að draga fleiri bersynduga hrunsþrjóta fyrir Landsdóm því íllt er til að vita að slíkir skemmdarvargar fái að valsa lausir eins og ekkert sé. 

Saksóknari tapað áttum?

Athugasemdir

[Magnús Sigurðsson, 4.6.2011 kl. 15:11]

Þau meira en "fá að valsa laus" mikið af þessu hyski veldur heimilum landsins áfram stórtjóni á launaskrá skattgreiðenda.

[Ásthildur Cesil Þórðardóttir, 4.6.2011 kl. 15:18]

Tek alveg undir þetta allt með þér Jóhannes.

[Anna Sigríður Guðmundsdóttir, 4.6.2011 kl. 20:41]

Jóhannes. Nú er bara að fullvinna verkið, og opna síðu, þar sem sérstaki saksónarinn: Óli "spes", vinnur fyrir opnum tjöldum, og með níu-binda sannleiks-skýrslu að leiðarljósi, og allt í beinni útsendingu á "sérstakri heimasíðu"  "sérstaks saksóknara", sem ég tel ágætis dreng með ræningja-hnífinn á hálsinum!

Eða er ég endanlega búin að tapa áttum í réttlætis-rugli ranglætis-stjórnarinnar? Ég er þá alla vega ekki sú fyrsta sem tapa áttum í að skilja þessa svokölluðu velferðarstjórn, sem nú ætlar að kaffæra allt lýðræði í þessu landi, með ofurafls-þvingunar-hertöku-peninga-lánastreymi frá ESB-AGS-landráðaliði!

M.b.kv.