Þá frýs loks í Helvíti

Það á ekki af Suðurnesjamönnum að ganga. Helvítis ríkisstjórnarómyndin virðist gera allt sem í hennar valdi stendur til að koma í veg fyrir alla atvinnuuppbyggingu og fagurt mannlíf þarna suðurfrá. Nú síðast sigaði ríkikisstjórnin lögreglusveit sinni á gróðurhús í örum uppvexti á Suðurnesjum, sem sérhæft hefur sig í lífrænni ræktun á heilsujurtum. Ekki var að sökum að spyrja: Lögreglusveitin, í umboði ríkisstjórnarinn, lagði á augabragði þetta lífvænlega fyrirtæki í rúst og rak rekstraraðilana og annað starfsfólk beint út á Guð og gaddinn á Reykjanesi.

Annars er máltækið að senda fólk út á ,,Guð og gaddinn" ekki nema að hálfu leyti nothæft þegar Suðurnesjamenn eiga í hlut, því Guð hefur fyrir löngu yfirgefið þetta sárþjáða fólk. En ,,gaddurinn" er vissulega til staðar í þessum óhamingjusama landsfjórðungi, svo hroðalega jökulkaldur að þá myndi loks frjósa í Helvíti ef honum tækist smjúga þangað inn.

Helvítis ríkisstjónin, - hið illa er allt henni að kenna.

Umfangsmikil kannabisræktun á Suðurnesjum

Athugasemdir

[Rauða Ljónið, 5.8.2011 kl. 16:28]

Ég var með tár á hvarmi í hádeginu þegar ég sá fréttina.
Kv Sigurjón Vigfússon

[Jóhannes Ragnarsson, 5.8.2011 kl. 16:55]

Það voru fleiri, Sigurjón. Sumir voru útgrátnir fram eftir degi og eru það jafnvel enn.