Sorrý, - það er heldur seint, karl minn, að grípa fyrir rassinn þegar ,,the shit" er kominn í buxurnar.

Það er heldur lítið gefandi fyrir landsfundarályktanir í syndaaflausnarstíl, sem ekki stendur til að fylgja eftir á nokkurn hátt nema með steingrímískum orðavaðli til þess eins að blekkja fólk.

Eftir það sem á undan er gengið, ætti flestum að vera ljóst, að VG er mjög veikburða stjórnmálaflokkur, hrjáður af innanmeinum, óheiðarleika og ógeðfelldu foringjaræði. Það er t.d. með ólíkindum, að rúmlega 70% þeirra landsfundarfulltrúa, sem þátt tóku í formannskosningu, skuli hafa haft lyst á að greiða sitjandi formanni atkvæði sitt þegar þeim stóð til boða að skila auðu eða kjósa aðra frambjóðendur.

Hvað um VG verður í framtíðinni, er harla óljóst á þessari stundu, en sitthvað bendir til að erfitt verði fyrir kjaftaskana þar á bæ að stöðva hrörnun flokksins. Því þó svo að Vinstrihreyfingunni grænu framboði takist að sleppa lifandi frá helst til fámennum landsfund á Akureyri, mun það ef að líkum lætur verða skammgóður vermir.  

Orðalag vegna Nató mildað

Athugasemdir

[Óskar Helgi Helgason (IP-tala skráð) 30.10.2011 kl. 14:00]

Heill og sæll Jóhannes; æfinlega !

Ég er sannfærður um það; Jóhannes minn, að þú hefðir aldrei komið að stofnun þessa flokks skriflis í byrjun, hefði þig boðið í grun, hvers lags afurð hann ætti eftir að reynast ykkur; - úti á vinstri jaðrinum, fornvinur góður.

Það hlýtur að vera; þér sem öðrum einlægum forvígismönnum þessa flokks, mikil raun, að þurfa á horfa á Gunnarsstaða gerpið - og hirð hans, kjamsa á meintu eigin ágæti, árum - sem áratugum saman, án þess að fá frekar, að gert, um hríð; til nokkurrar eiginlegrar viðspyrnu, gegn þessum Árum kjörsvika kláms og eiginhagsmuna, að minnsta kosti.

Með beztu kveðjum; sem jafnan, úr Árnesþingi /

 

[Jóhannes Ragnarsson, 30.10.2011 kl. 14:25]

Það er hárrét hjá þér, Óskar, að það hefur verið mér, og mörgum fleiri, mikil raun að horfa uppá hvernig þetta flokksgrey hefur þróast.

[Kristján P. Gudmundsson, 30.10.2011 kl. 20:44]

Ágæti bloggvinur, góður pistill hjá þér að vanda! Ég er líka innilega sammála Óskari Helga, sem er oft skemmtilega kjarnyrtur og hreinskilinn í athugasemdum sínum !

Með góðri kveðju, KPG.