Stjörnusýslumaðurinn Stones mun sýna hundum og hundaeigendum í tvo heimana

Það reynir virkilega á mann að lesa þessa skelfilegu frétt af hundaskítsmálum í umdæmi sjálfs Stjörnusýslumannsins Stones á Selfossi. Hvernig í ósköpunum má það vera að fólk undir stjórn jafn ágæts yfirvalds og Störnusýslumannsins ástkæra skuli vaða út með hunda sína beinlínis til að láta þá hægja sér um götur og torg?

Það er eitthvað bogið við svona lagaða háttvísi.

Meira að segja stjórnmálaforingjar láta búrtíkur sínar ævinlega nota toilet til að létta á sér.

Ekki kæmi mér því á óvart, í ljósi undangenginna atbuða, að herra Stones Stjörnusýslumaður skeri nú upp herör gegn hundum og hundaeigendum á Selfossi og nærsveitum og linni ekki látum fyrr enn allir hundar á svæðinu hafa verið skotnir og grafnir en hundaeigendur flúnir í fjarlæga staði.

Því má og til gagns geta, að fróðir menn hafa sagt mér að mikill áhugi sé nú uppi meðal kristinna þjóðkirkjumanna að skora á herra Ólaf Helga, Stjörnusýslumann Árnesinga, að taka að sér að verða byskub yfir Íslandi þá byskubsembættið verður laust á sumri komanda. Telja stuðningsmenn að nú sé nóg komið í bili af lurðumennum og óbóta á byskubsstóli og sé því rétt að fá til starfans röggsaman sýslumann sem kann að taka á villráfandi sauðum í klerkastétt á þann hátt að þeir láti sér að kenningu verða.

 

Hundaskítur á víð og dreif

Athugasemdir

[Njörður Helgason, 16.1.2012 kl. 10:38]

En er bæjarstjórnin í Árborgarhrepp ekki með öll völd yfir húsdýrum í samfélaginu? Eyþór Arnalds og félagar hans í hreppsnefndinni ættu að koma upp ljósastaurum víðsvegar um Árborgarhrepp fyrir hundana að létta á sér. Síðan mætti hafa poka undir lortana á staurunum.

Átak í umhverfismálum!

[Ásthildur Cesil Þórðardóttir, 16.1.2012 kl. 12:58]

Sá eðal kappi myndi augljóslega sóma sér vel sem biskup trúi ég. 

[Ásthildur Cesil Þórðardóttir, 16.1.2012 kl. 12:58]

Hann myndi örugglega "poppa" jobbið upp. 

[corvus corax, 16.1.2012 kl. 15:34]

Það er allt í lagi með hundana en það er alltaf sama sagan með þessa andsk.... hundaeigendur.

[Vilhjálmur Stefánsson, 16.1.2012 kl. 21:09]

Heitir hann ekki Óli þvagleggur,þessi umrædi sýsli.