Aninmalista organisation i Sverige mun efna til mótmæla

Ekki er að efa, að samtök anímalista í Svíþjóð, Animalista organisation í Sverige, munu mótamæla frumvarpi herra Eskils Erlandsson ráðherra landsbyggðamála í Svíþjóð kröftuglega. Talsmaður samtakanna, Karl Lundqvist tryggingaforstjóri, segir að bannið sé gróft mannréttindabrot, sem feli í sér óskiljanlega fordóma og hatur í garð fólks með öðruvísi kynhneigðir.

Það hefur lengi verið helsta baráttumál samtaka anímalista í Svíþjóð, að hjónaband manns og skepnu verði lögleitt og að stjórnvöld og almenningur þar í landi líti á það sem hvern annan sjálfsgaðan hlut. Svo dæmi séu tekin, þá hefur Karl Lundqvist búið með elgskú í nokkur ár og ennfremur hefur Jutta Berlinger verið í skráðri sambúð með geithafrinum Trylle í bráðum fjögur ár.

Síðastliðið haust flúði Jutta reyndar í kvennaathvarf eftir að hafurinn Trylle hafði stangað hana í mjöðmina í afbrýðiskasti með þeim afleiðingum að Jutta kastaðist útum glugga á annarri hæð og slasaðist töluvert. En það mun verða eðli góðra hjónabanda, að annað slagið slettist uppá vinskapinn og þá er gjarnan stutt í heimilisofbeldi.

Þá er sagt að presturinn í Ystadsprestakalli, séra Otto Katzlund, sé reiðubúinn, sóknarbörnum sínum til mikillar skelfingar, að gefa saman manneskju og einstakling af annarri dýrategund. Séra Otto segir, að frá sínum bæjardyrum séð, sé allt í lagi að gefa allan andskotann saman, ef vilji hlutaðeigandi sé til staðar. Þess má geta, að séra Otto Katzlund er meðal annars hlynntur fjölkvæni og hann hefur nokkrum sinnum vígt dýr í heilagt hjónaband, þar á meðal fressið Glám og læðuna Línu og mun það vera afar farsælt hjónaband.

Banna kynmök manna við dýr